A nɩ -sɛ ˈa bhlaˈmö a -wʋwʋsɛzokwëa kɛˈmö, a nɩ nɛmöaˈaa -sɩkaa nɩkpalili a sɛ

3:5-14

-N yɩbhlɩnɩɛ gbëawɛlɩɩ, -lii a -mi ˈtɛɛ ɔ teɲii ˈmö, -n -sɛ ɔ kɛˈmö ˈnɩ? Kɩ dlɩ ˈwʋ nɩɩ, sɛɛ -n ˈtɛmanɩɛ daˈa ˈyli yɔwʋʋ, yɩ -bhö a-a teɲii Zoova ˈmäna ˈwʋ. (Éz 33:11) -Tiamö a dɔˈwʋ, -a kä -a ˈkä ˈyli yɔwʋ ˈtɛmanɩ ˈyize, -a tɩa ˈwʋ ˈsɔ -aˈa bhlaˈmö a -wʋwʋsɛzokwëa ˈmö bhlinɩ, -a ˈkä ˈkwädlɩ nɩkpalili a sɛ nɛmö. Yɩlɩ nimïyɩbhäkïbhï ˈlɛ yɔwʋ, -lii -n ˈkää kɛˈmö -sɛ, -n ˈkɩ ˈylɩmö:

• Nɩkpɛ -kaa -lizoku ˈwlu nʋʋ, ɔ ˈklɛ n zʋ bhä ˈmlɩ -a?

• N yi -yɔlɔ aˈbhë -kë, n ˈnɩ ˈtɛɲɩ aˈbhë -kä, n -kpaanɩ ɔ dlɩ ˈmö -a?

• N -kä -ɔɔzʋkälii ˈwʋ dlɩ ˈpä cuu, ˈwlumö n sɩ ɔ ˈwʋ -päpanɩsɛ -a?

• -Muë n -ɲɛ ˈnɩɛ ku ˈwʋ -gbɔ, ˈn -muë ˈnɩɛ ˈna bhlɩɩ ˈmö a -nʋa glɩnɩ, zokwësɛ n pä ɔ wa dɛ dlɩ -a?

• ˈLili nɩ ˈwʋ, n yɛ ɔ -mɔmɔɔ wɛlɩzoku bhïlanɩ -a? Nˈn-ä dlɩ ˈwʋ pɩɛnɩ ˈn n yi ɔ ˈklɛsɛ bhïla -a?