Sɛɛ -a ˈkää -aˈa kpɩyiea ˈmö ghlɛnɩ nzɩ -a ˈkä ˈdɩsɛsʋ tɛɛ

Tɛɛnɩ Zavie 2018 ˈmö, -a -ɲɛ nɩkpɛ -kä ˈdɩ -sɛɛ yi a sɛ -a ˈkää gbä, yɩ -wʋ -lɛ -aˈa ˈwluyɩbhäyɩbhʋʋ a ˈbɔgʋ a tɛkäkpʋ ˈklʋ. Wa ɲɩaɲɩ a-a ˈdɩ nɩɩ, -a -ɲɛ nɩkpa ˈsɔ nɩ -sɛ ˈdɩ, maa -a tʋa ˈfʋ lagɔbɔgwɩ ˈɲɛ cuu nzɩ -a ˈkʋa yɔwʋ ˈbhöö. Lagɔwɛlɩbiawaa -ɲɛ nɩkpa -kä ˈdɩ -sɛɛ yi, sɛɛ wa ˈkää Biblë ˈmö ghlɛnɩ, -sɩbhä a videwi ˈmö wa -bhɛɛ, yɩ ˈkʋä kwänɩ. Maa, mii sɛ ɔ zɛmö nɩɩ -a -kä ˈligbï ˈmö a lagɔwɛlɩbiabiu -bhɛ dɔˈwʋ -wʋ, -a ˈnaa ˈkä ɔ -aˈa lagɔbɔgwɩ ˈmö ghlɛnɩ ˈlɩlɩlɩ -a? Nˈnn! -Aˈa kpɩyiea bhɛnɩ yɩ -kaɲɩ teɲii kwänɩ, -a -ɲɛ nɩkpa ˈkä ˈdɩsɛsʋ tɛɛ. -A -kɩɩ ˈmö ghlɛnɩɛ yi a sɛɛ -a bhɛnɩɛ -a ˈkä ˈzʋ -sɩbhä ma-a dɛˈɛ:

1. -Lɛ kpɩyiea ˈklʋ a nimïyɩbhäkïbhï wa ˈzʋä -lɛ, -a bhɛnɩ -a ˈkɔɲɩ ˈwʋ ˈyɩbhänɩ.

2. Biblë a gbɛlʋ -wʋ -wʋä -mä kpʋke -gömö, -wʋ sɛɛ kïbhëa ˈla zɛmö, tulanɔɲɩ ˈylimö. ˈTɛɲɩ -kä -mä -zu, kïbhïï -yɩ cɛlɩɛ -mä kpʋke ˈmö, a nɩ zeli ˈmö ˈn a nɩ yɩlii yɔwʋ.

3. ˈƝɛ ˈligbëlowli kpʋke yowʋ ˈn ˈpɔ swɩ ɲɛmʋ ˈmö ɔ ˈkʋ ˈmö zɛlɩ.

4. -N -kɔɔ yɔwʋ ˈbhööä yi, dɛɛ wa ˈzʋä “ˈPänɩ dlɩ kɛ” a kïbhëa -a -wʋä -lɛ, tulanɔɲɩ ˈylimö ˈn ˈɲɔ ˈdɩ nɩɩ, sɛɛ Biblë gbää kïbhëa ˈla a dɔˈwʋ -n yi ˈwʋ ˈsɔ yinɩ nzɩ a ˈkɩ yɔwʋ yɩlɩ.

-N -kɔɔ ˈylɩmöä mö, a nɩ yɩlɩ kïbhëa ˈla a zɛmösɛna yɔwʋ ˈn tɔˈɛ kïbhë -mämaa yɔwʋ a ˈkää käbözlɩ ˈmö yɔwʋ yɩlɩ. -N bhɛnɩ -n ˈkä -mä -aˈa ɛtɛnɛtɩ a dlɛsɩ ˈklʋ nimïyɩbhäkïbhë -sɛ. -Lɛ kpʋke ˈla -gömö, lagɔbɔgʋ wa ˈzʋä -lɛ, wʋ ˈmö a nimïyɩbhäkïbhë -bhlʋ, -n bhɛnɩ -n ˈka -lɛ -sɛ. ˈN tulanɔɔ Lagɔ a ˈtɩtɩ a -tɩtɩɩ!, a blosu ˈylimö, ɛ -käˈɛ ˈbɔgʋʋ -mumuu -a ˈcɩanɩɛ ˈmö.