ˈSaa kä ɔ teɲii dɛsɛ na dɔˈwʋ?

Zakɔɔbö, -lu -bhlu -wʋ kää teɲii dɛsɛ a za ɔ -ɲɛ lagɔzuzukwëa gwɩɛ: Zoova ˈa ˈɲupälɩ a za-a. (Gn 32:24-31; Os 12:3, 4) ˈN -abhʋa ˈna? -A -bhɩɔ bhä ˈmö -a ˈkä ˈyli yɔwʋ ˈtɛmanɩ, -a ˈkä Zoova ˈklʋkpamö ˈzʋ nzɩ -a ˈkä ˈɔ ˈɲupälɩ ghlɩ -a? -A ˈkä -aˈa ˈtɛɲɩ ˈwʋ ˈlibhï nzɩ -a ˈkä ˈwluyɩbhäyɩbhʋ ˈwʋ mö, ˈn -a ˈkä -aˈa ˈtɛɲɩ -a kää ˈwʋ ˈlibhï nzɩ -a ˈkä -bhlɛ libho nʋ ˈyize a dɔˈwʋ, ˈsaa -a ˈkä ɔ -lɛ -sɛ ˈnɩ? ˈN -a -kä -aˈa ˈtɛɲɩ ˈwʋ ˈlibhï, -aˈa ˈmötɛɛnɔɔ, ˈn -aˈa ˈsaa -a kää Zoova ˈa libhoo a zaa, ɔ -yiɲɩ ˈɔ “ˈɲupälɩ -gömö sɛ slu -këë, -lu a ˈpʋa ˈnaa -kaɲɩaˈa ˈlɩbhä.” (Ml 3:10) Ɔ -yiɲɩ -su, ɔ yiɲɩ ˈwʋ gwɩ, ˈn ɔ -yiɲɩ ˈyli ˈzʋnɩ.—Mt 6:33; Eb 13:5.

A NƖ YLƐ VIDEO -NAˈA LAGƆLIBHOO TU YƆLƲ ˈWƲ PLƐNƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  -Lu -bhlʋ ˈmö -aa ŋlʋdaayu -waa teɲii. Maa bhäla, ˈsaa ˈplɩ ɔ -wʋ ˈnɩ?

• 

  Sɛɛ -aˈa libho bhɛnɩ ɔ wʋ ˈkä ˈŋlɩ -kä, -a ˈkä lagɔlibhoo yɔlʋ ˈwʋ plɛnɩ ˈnɩ?

• 

  Timotee yɛ abhlɩ Klɩtɩɛyi a -mɔ jɩbhɛ ˈzʋ, maa -yɩ kä ɔ ˈŋlɩ ˈn ɔ kä bhä ɔ ˈkä lagɔlii -mimii nʋ ˈyize ˈnɩ?—1Ti 4:16

• 

  “Libhoo -wʋ kää teɲii dɛsɛ -aa dɔˈwʋ,” sɛɛ -a ˈkʋ ɔ nɩkpa ˈylimö tulanɩ ˈnɩ?