Moyizɩ -ɲɛ Aghlɔɔ ˈsɔ, wa ˈtɛmanɩ a-a teɲii ˈyli yɔwʋ

10:3-6, 24-26, 28; 11:4-8

Falaɔ -ɔ glɩnɩ a-a ˈbhlɩlowli a -mɔ ˈtɛɛ a-a teɲii ˈmö -ɔ zie ˈwʋ, Moyizɩ -ɲɛ Aghlɔɔ ˈsɔ, wa -ɲɔ ˈkää bhïla yii, ˈyli yɔwʋ wa ˈtɛmanɩɛ, waˈaa -lu -gu ˈlɩlɩlɩ. ˈSaa kwänuë bhä ˈnɩ? Moyizɩ a dɔˈwʋ, Biblë lɛ nɩɩ: “Ɔ -ɲɛ Lagɔ a -nʋa ˈwuë ˈsɔ, wa lɛ ˈkää -mä Ezipötɩ-bhölɩɩ ˈmö ˈbhööä yii, ˈbhlɩlowlii ˈpä -tiamö teɲii ˈklɛ, maa sɛɛ Moyizɩ ˈtɛɛnɩɛ Lagɔ dlɩ a za, ɔˈɔɔ ˈbhlɩlowli -gu ˈn wa yiɛ -mä ˈbhöö ˈn wa yiɛ mö. Lagɔ -bɛ ˈnɩɛ ˈwʋ yɩlɩɩ, Moyizɩ a dɔˈwʋ, ɛ ˈkä -bhɩɛ ˈwʋ ɔ yiloo, nza ɔ ˈtɛmanɩɛ ˈyli yɔwʋ, ˈn ɔ yiɛ -sɩbhä ˈzʋ.” (Eb 11:27) Moyizɩ -ɲɛ Aghlɔɔ ˈsɔ, ˈwa dlɩˈwʋkänɔɔ yiɛ teɲii ˈmö ˈtumanɩ, Lagɔ a ˈyize ˈmö wa ˈtɛɛnɩaˈa dlɩ.

-Lii a -mi ˈkä ɔ ˈŋlɩ -kä, -a ˈkä ˈyliyɔwʋtɛɛnɩsɛ -aˈa Lagɔ a dlɩtɛɛnɩtɛnɛ a wɛlɩɩ bhïla, ˈkämanɩwaa a ˈyila ˈklʋ ˈnɩ?