-N yi ɔ -naˈa ˈtɛɲɩɩ -ɲɛ -naˈa ˈmötɛɛnɔɔ ˈsɔ Lagɔ ˈɲɛ -a?

Sɛɛ lagɔnɩkpɛ Yizayii gbä a-a, -mä Zoova ˈa ˈwlugïganɩzɩkpaa ˈmö a nɩkpa -wa ˈtɛɛnɩɛ Lagɔ dlɩ, -sɩkaa a dɔˈwʋ, zumanɩ wa zumanɩɛ ˈyize. (Is 54:2) -Sɩbhä a za, -a kä -a ˈkä Lagɔ ˈa ˈKämanɔɔ a -bïdi -mimii ˈsɩbhä, ˈwluyɩbhäyɩbhɩ ˈkädɩ a -nɩɩ, ˈn Betɛlia kökä. ˈN -a -kä -bïdi ˈla ˈsɩbhä ˈwë, -a käˈɛ -a ˈkɩ ˈyli ˈzʋnɩ, yɩ -kä ɲimo, -a ˈkɩ ˈwlu gïganɩ. Sɛɛ -a bhɛnɩ ɔ -a ˈkä -aˈa ˈtɛɲɩ -ɲɛ -aˈa ˈmötɛɛnɔ ˈsɔ Lagɔ ˈɲɛ ˈnɩ?

• -Aˈa lagɔzɩkpa ˈmö a -nʋa -kä Lagɔ ˈa ˈKämanɔɔ a -budu ˈmö wɔlʋä yi, -a bhɛnɩ -a ˈkʋa kwänɩ.

• -A bhɛnɩ -a ˈkä -aɲɩ dlɩ -sɛ, nzɩ wa -kaɲɩ sɛɛ -a ˈkää Lagɔ ˈa ˈKämanɔɔ a -budu ˈyli ˈzʋnɩ sʋlʋnɩ.

• ˈBɔgʋʋ wa laa Demande d’admission comme volontaire local développement/construction (DC-50), -a bhɛnɩ -a ˈkʋ ˈklʋ cɛlɩ nzɩ -a ˈkä ˈtɛɲɩke ˈmö -wa nʋä -bïdisɩbhälibhoo kwänɩɛ mö. -Lɛ a dɔˈwʋ wa -kä -mä -aˈa ˈpɩɔ ˈyli -bïdi ˈsɩbhää yi, wa ˈkɩˈɛ ˈwlu gïganɩɛ yi, -a bhɛnɩ -a ˈkä ˈmämö.

• ˈBɔgʋʋ wa laa Demande d’admission comme volontaire (A-19), -a bhɛnɩˈɛ -a ˈkʋ ˈklʋ ˈcɛlɩ, -a ˈkä -aˈa pɩɔ ˈyli a Betɛlɩ ˈmö a -nʋa kwänɩ, ˈdimasɩ -bhlʋ a sɛ, ɛ -käˈɛ ˈdimasie a -bɛ ˈmö.

A NƖ YLƐ VIDEO, -BÏDISƖBHÄLIBHOO WA TƐƐ ˈLILI NƖ ˈWƲ: ˈPƖƆ. ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Tɛɛnɩ 2014 ˈmö, -sɩkaa a dɔˈwʋ, sɛɛ -a nʋnɩ ɔ teɲii videwii libho ˈmö?

• Sɛɛ -a ghlɛnɩɛ teɲii videwi ˈmö a za, libhoo a -mu wa ˈkä ɔ nʋ ˈnɩ? ˈTɛɲɩ -mɛ ˈmö wʋ ˈkä ɔ tɛɛ, ˈn ˈtɛɲɩ -mɛ ˈmö wʋ ˈkä ɔ zɛmö bhɩɛ ˈnɩ?

• -Wa -sɛɛ waɲɩ dlɩ, sɛ wa ˈkä ɔ libhoo ˈla nʋmö ˈnɩ?

• Lagɔdaayuëa -wa nʋä -mä Ghlamapo -bïdisɩbhälibhoo, ˈn -a -kä nɩɩ -a ˈkʋa kwänɩɛ möö, -yɩ kä ɔ ˈŋlɩ ˈn -a ˈkä ɔ ˈbɔgʋʋ (DC-50) ˈklʋ ˈcɛlɩ nzɩ -a ˈkä -aˈa ˈbhlɩ ˈmö a -zɩkpa a nʋä -bïdisɩbhälibhoo kwänɩɛ mö ˈnɩ?

• ˈSaa tula ɔ nɩɩ Zoova mɔɔ -gänɩɛ libho ˈla ˈwuë ˈyuku ˈnɩ?

• Kii -a -wʋä -kamä ˈmö a za, sɛɛ -a bhɛnɩ ɔ -a ˈkä lagɔdaayuë -wa nʋä -bïdisɩbhälibhoo kwänɩmö ˈnɩ?