ˈYlɩ ta a ˈwluyɩbhäyɩbhɩ -lɛ -lii a -mi -a ghlɛnɩɛ ˈmö ˈn -a tula -wawʋ

-Yɩ kä ɔ ˈŋlɩ ˈn -aˈa ˈylɩ ta a ˈwlʋyɩbhäyɩbhɩ -bhöɲɩ ɔ ˈmäna ˈwʋ ˈnɩ? Yizlaɛlɩ a -nʋa a saa, -aˈa ˈwluyɩbhäyɩbhɩ ˈkädɩɩ -a -bhɛɛ zɩˈɛ, yɩ kä ˈŋlɩ ˈn -a -ɲɛ -aa lagɔdaayuë a gwlɩ ngbï a ˈki a -bɛ ɛ -käˈɛ mila a -bɛ ˈsɔ, ˈn -a bʋbɔnɩɛ Zoova ˈgämö. -Lii ˈwuë -yɩ kää ˈŋlɩ ˈn -a -ɲɛ Zoova -wʋnɩɛ ˈwʋ, -a ˈcɩɛ -mä ˈwlʋyɩbhäyɩbhɩ ˈla ˈwʋ, yɩ -bhöɲɩ teɲii ˈmäna ˈwʋ. ˈTɛɲɩ ˈwuë -a -sɛnɩɛ ˈgämö -a -ɲɛ -aa bhɛya ˈsɔ, ɛ -käˈɛ -aa ˈligbë ˈmö a -nʋa, ɛ bhöɲɩˈɛ ˈmäna ˈwʋ. Yɩ za, -aaa ˈyɩbhä -a ˈkä ylɩ ˈla ta -kpɔ a glaˈmö a -nɛ -bhlʋ ˈwʋ tʋʋ.

-A -kä ˈwluyɩbhäyɩbhɩ ˈla ˈwʋ möö, ˈsaa -a ˈkiɛ ˈmö ghlɩnɩ a ˈyize, mö -a ˈnɩɛ ˈwʋ dlɩ ˈpä, maa sɛɛ -a ˈkää -mumuë ˈylimö tulanɩ nɩɩ -a -wʋa, ˈmö -a pää ˈwʋ dlɩ. (Ga 6:10; Eb 10:24, 25) -A -kä bhli -a -kää ˈwʋ glɩ a ˈyize -lɛ -sɛ cuu, -a tula nɩɩ ˈsaa kää -aa lagɔdaayuë a -li a -lii ˈmö, mö -a tɛlɩɛ sɛ. (Fil 2:3, 4) ˈWluyɩbhäyɩbhɩ ˈla kä ˈŋlɩ ˈn -a bhɛnɩɛ -a ˈkä bhɛya -mumuë ghlɩ. ˈWluyɩbhäyɩbhɩ ˈnɩ -bhlɛ tɛɛ, yɩ -käˈɛ bhɩɛ ˈwë, ɛ -käˈɛ lilitɛɲɩ ˈmö, -a bhɛnɩ -a ˈkä -lɛ a ˈtɛɲɩ ˈla ˈwʋ ˈlibhï nzɩ -a -ɲɛ -mumuë ˈsɔ, -a ˈkä ˈcɩɛcɩɛnɩ. (2Kɔ 6:13) ˈWluyɩbhäyɩbhɩ ˈla ˈwʋ, -a -ɲɛ -mumuë ˈsɔ, -a -kä bhɛya ˈzʋ, ˈkwädlɩkwädlɩnɩ a bhɛya -a ˈkää glɩnɩ! -Mä ˈwluyɩbhäyɩbhɩ ˈla ˈwʋ a sɛɛ -a zʋä, sɛɛ -a -wawanɩɛ, -mumuë -kii ˈylimö, yɩ yua -mä ˈsunɩ, wa yi yi ˈn -a yi Zoova ˈgämö bʋbɔnɩ.​—Zh 13:35.

A NƖ YLƐ VIDEO, “-WAWƲ ˈNAA ˈKÄ ˈKWÄDLƖ ˈYLI BHƖƐ”! ˈBHLƖ ˈWUË -GÖMÖ A ˈWLUYƖBHÄYƖBHƖ ˈKÄDƖƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  -Wa ˈbhööä käböbhlɩɩ -gömö ˈn wa yiɛ 2019 a ˈwluyɩbhäyɩbhɩ ˈkädɩɩ ˈwʋ yi, sɛ wa tulanuë bhä -wawʋ ˈylimö ˈnɩ?

• 

  Sɛɛ Zoova a -nʋa -wʋnɩɛ ˈwʋ ˈn sɛ wa -wawanɩɛ, sɛ yɩ zɩ ɔ nɩkpa a dila kɛ ˈnɩ?

• 

  Sɛɛ Klɩtɩɛwaa kää wa ˈkä -wawanɩ a dɔˈwʋ, -muë -gänɩɛ -aˈa ˈwlugïganɩzɩkpaa ˈyuku, wɛlɩɩ a -mi wa pɩɛnɩ ɔ ˈwʋ ˈnɩ?

• 

  Sɛɛ -wawʋ kwänɩ bhä Alɩmaɲɩ -ɲɛ Kole -di Swidɩ a lagɔdaayuë ˈsɔ ˈn wa -wʋnɩ ɔ ˈwʋ ˈnɩ?

• ˈSaa -a kä ɔ -a ˈkä nʋ ˈnɩ?