ˈKlɩyɩyɛ a kii ˈwuë yi ˈylɩ -bhlʋ ˈmö ˈyli bhɩɛ

-A -kä ˈklɩ ˈyɩ ˈyize, -aˈa ˈklɩyɩyɛ ˈnɩ ˈbhlenɩ dɔˈwʋ -wʋʋ, yɩ bhɛnɩ yɩ -kaɲɩ swɩ yɔwʋ ˈkuanɩ. Daviidɩ -yi a-a sɛ nɩɩ, klɩɩ ˈbhlɩlowli Sawilɩ -wɔ a-a ˈyɩa dɔˈwʋ, ɛ yi ˈylɩ -bhlʋ ˈmö ˈbhlenɩ. ˈN sɛɛ Zoova gbä a-a nɩɩ, ɔ yi ˈbhlɩlowli ˈzʋʋ, yɩ yi ˈyli ˈwlʋnɩ. (1S 16:13) Sɛɛ Daviidɩ kä a-a Zoova dlɩ ˈwʋ, mii kwänɔɔ ˈn ɔ -kpaanɩ a-a dlɩ ˈmö, ˈn ɔ -kʋnɩ a-a Zoova nzɩ ɔ ˈkä -lii ˈwlu gïganɩ.

-Mä -aˈa ˈklɩyɩyɛ ˈmö -a -kä -aɲɩ ˈwʋ ˈnɛɛnɩ, sɛɛ -a ˈkää ˈzʋ -a -kɩɩ -yi, ˈn -a käˈɛ dlɩpäsɛ -yii, -aˈa kii -a -wʋä ˈmö bhɛnɩ yɩ ˈkä ˈmö zigbonɩ. (1S 21:12-14; Pr 1:4) -A yi aˈbhë ˈyli yɔwʋ ˈtɛmanɩ nzɩ -a ˈkä ˈsaa ˈwuë -a bhɛnɩ nʋ -kë, -a yiˈɛ Zoova ˈa ˈpäpägböö -gänɩ aˈbhë -kë, -lii -mimii bhɛnɩ yɩ -kaɲɩ -bhlɛ kɛˈmö ˈtɛɛnɩ ˈyize. Yɩ -kä -sɩbhä ˈmö -wʋʋ, -a nɩ -kpaanɩ dlɩ ˈmö -a ˈkä Zoova -kʋnɩ ˈyize. Ɔ yiaˈa -pa ˈklɩyɩyɛ a kii ˈwuë ˈyli bhɩa, ˈn ɔ -yiɲɩ “ˈyli yɔwʋ sɩɔ ˈtɩɩ”. (ˈKl 21:4) -Aˈa klɩɩ -a -wʋä ˈmö, Zoova mɔɔ -kɛɛ ˈyli bhɩa oo, -lu -mumuu -kɛɛˈɛ ˈyli bhɩa oo, -a nɩ kɩ dlɩ ˈwʋ nɩɩ ˈklɩyɩyɛ a kii ˈwuë, yɩ yi ˈylɩ -bhlʋ ˈmö ˈyli bhɩɛ. Wɛlɩ ˈlɛ, yɩ ˈtɛmanɩɲɩ teɲii dlɩ ˈwʋ.

A NƖ YLƐ VIDEO, UN PEUPLE UNI DANS UN MONDE DIVISÉ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -Aa lagɔdaayuë -mumuë -wa -wʋ a-a -mä Etazwini-bhölɩ a bɔzɛmö, ˈsaa ˈtɛɛnʋa a-a bhä kɛˈmö ˈnɩ?

• Sɛɛ wa tula ɔ nɩɩ wa -kpaanɩ dlɩ ˈmö ˈn wa kä -wawʋ dlɩ zɛmö ˈnɩ?

• Sɛɛ wa tula ɔ nɩɩ “ˈsaa nɛnɩɛ Lagɔ dlɩ yɔwʋ,” yɩ gbʋ a ˈyize muu plɛnʋa ˈnɩ?—Fil 1:10