Lagɔ ˈa wɛlɩɩ ɔ ˈcɩaɲɩɛ a za, -aa dɔˈwʋ nɩkpa ˈwuë ˈmö wa mlɩnɩɛ

Zoova ˈnɩ gbäzɩ nɩkpa ˈmö. (Zt 10:34, 35) Ɔ dɔˈwʋ, “ŋäya ˈwuë, bhlɩɩ ˈwuë -gömö a nɩkpa, gbɩɩ ˈwuë a gbäwa, wa ˈwuë” ˈmö wa mlɩnɩɛ (ˈKl 7:9) Zaa, -mä -aˈa lagɔzɩkpa ˈmö, -aa dɔˈwʋ nɩkpa ˈwuë ˈmö wa mlɩnɩɛ, -aa gbäzɩ nɩkpa ˈmö. (Za 2:1-4) Lagɔ ˈa wɛlɩɩ ɔ ˈcɩaɲɩɛ a za, ˈwugɔmʋsɛ a ˈpɩwʋlelea ˈmö -a -bhölɩnɩɛ -ɛɲɩ ˈmö Lagɔ a wɛlɩɩ zigbanɩɛ nɩkpa ˈmö. (Is 11:6-9) Sɛɛ -a ˈtɛmanɩɛ ˈyli yɔwʋ ˈn -aa gbäzɩɛ nɩkpa ˈmö, ˈn -a kää wa -wawʋ dlɩ zɛmö, yɩ tulanɩ ˈylimö nɩɩ Lagɔ ˈa gbäpöö ˈmö -a -gänɩɛ.—Ɛf 5:1, 2.

A NƖ YLƐ VIDEO -WƲ NƲÄ JOHNY ET GIDEON: AVANT ENNEMIS, AUJOURD’HUI FRÈRES. A -KÄ YLƐ ˈWË, A NƖ ˈƝƐ NIMÏYƖBHÄKÏBHÏ ˈLƐ A ZƐMÖSƐNA:

• Nɩkpa tɩa wa ˈbhɩa ˈmö gbäzɩ a dɔˈwʋ, -yɩ kä ɔ ˈŋlɩ ˈn ˈsaa Lagɔ ˈa wɛlɩɩ ˈcɩaa ˈtɛɛ ɔ ˈmö ˈn yɩ zi bhä nɩkpa a sɛ wa ˈtɛmanɩɛ ˈyli yɔwʋ ˈwʋ ˈnɩ?

• Mäˈä bhlɩ -gömö a lagɔdaayuëa a dɔˈwʋ, ˈsaa -bhömö ɔ teɲii ˈmäna ˈwʋ ˈnɩ?

• -Aˈa ˈwuë -a -kä -wawanɩ, sɛ yɩ ˈghlimanɩ ɔ Zoova ˈa ŋlɩɩ ˈnɩ?