“Dʋdʋkpäta ˈwuë ˈklʋ, gbʋ -bhlʋ -kpöö ˈmö wa gbä a-a”

11:1-4, 6-9

-Mä Babɛlɩ, Zoova mɔɔ -bhɛ ˈn nɩkpa -wa -sɛ a-a ˈɔ wɛlɩɩ ˈklʋkpamö a gbɩ yiɛ zumanɩ, waˈaa ˈmö -ŋöŋönɩ, ˈn wa yiɛ yɔwʋ -sɛnɩ. Zɩˈɛ, -mä bhlɩɩ ˈwuë -gömö a -nʋa ˈwuë, gbɩ ˈwuë a gbäwaa, nɩkpa a -bʋbʋ ˈkɔdʋ, ˈmö ɔ ˈyɩbhaa ˈwlu nzɩ ɔ ˈkʋa “gbʋ a -mʋʋ -wʋä ˈwlɩlɩ” ˈɲɛ, wa ˈkʋ gbä. -Lɛ a dɔˈwʋ, “wa ˈkä Zoova a ˈŋlɩ ˈghlimanɩ, wa ˈkɔ ˈgämö bʋbɔnɩ.” (Sph 3:9; ˈKl 7:9) Wa -kä “gbʋ a -mʋʋ -wʋä ˈwlɩlɩ” nʋʋ, Zoova a -gömö a gbëawɛlɩɩ ˈn ˈsaa ɔ yɩbhää ɔ ˈkä zɩkö nʋ a wɛlɩɩ, -yɩ -wʋä -mä Biblë ˈmö, ˈmö wa gaa.

ˈLɩlɩlɩ a dɔˈwʋ, nɩkpɛ ˈkä gbʋ -mumuu ˈcɩɛ a dɔˈwʋ, mii ˈnɩɛ zɛmö -sɛ nɩɩ, ɔ ˈkä wɛlɩkïbhï a -bɛ ˈwlumö ˈzʋ a ˈyize. Maa, ɛˈɛ -bhö yɩ ˈyizee. ˈƆ dlɩpäsaa kä a ˈkä ˈmö zigbonɩ, ɔ ˈkä dlɩpäsalele ˈwʋ ˈlibhï. Saa -bhlʋ -kpɔ ˈla -sɩbhä, -aˈa dlɩpäsaa kää a ˈkä ˈmö zigbonɩ gbʋ ˈla -wʋ -wʋä ˈwlɩlɩ, -wʋ -lɛ gbëawɛlɩɩ mii, -a -wʋä ˈcɩɛ dɔˈwʋ a za.(Gh 12:2) -A kä -a ˈkä ˈkwädlɩ -sɩbhä ˈzʋ, ˈyize. Mii kää ˈŋlɩ ˈn Lagɔ a -nʋa ˈwuë -wʋnɩɛ ˈwʋ.—1Kɔ 1:10.