Adaa -ɲɛ Ɛɛvö ˈsɔ -pʋnɩɛ Sataa ˈyukwli, ˈsaa ghïluë bhä ˈnɩ?

Adaa -ɲɛ Ɛɛvö ˈsɔ ˈnɩɛ Lagɔ ˈklʋkpamö zʋ, nza wa ˈkuä. Genèse 3:6, 23

Tɩmɛ ˈmö Ɛɛvö -pʋnɩ a-a ˈyukwli ˈn ɔ yiɛ subhëa li. Ɔ yea bhäla Adaa ˈɲɛ ˈn ɔ yeaˈɛ ɔbhlɩ limö.

Wa nʋä daˈa ˈnɩɛ nɛnɩ, ˈɲiɲloliɛ. Yɩ za Lagɔ ˈkpëtuëë -mä Edɛɛnɩ a ˈlagblɛɛ ˈmö.

Wa -ɲɛ ˈwa yuëa ˈsɔ, ˈwa zɩkpaa yiɛ ˈmö ˈtɛmanɩ. Wa yiɛ gɔ, wa yiɛ ˈku. Wa ˈkuä waˈaa ˈkudu ˈwʋ mö, maa ˈyli wa bhɩɛ ˈlɩlɩlɩ.

-Wa yɛɛ ˈku ˈwë, ˈnɩaˈa -bhölɩ, maa sɛɛ dʋdʋ -wʋä, -sɩbhä wa -wʋä. Genèse 3:19

Adaa -ɲɛ Ɛɛvö ˈsɔ a yuë -a glɩnɩɛ, nza -a ˈkumöä. -Wa yɛɛ ˈku ˈwë, waˈaa sɛ yɩlɩ, waˈaa -ŋö, waˈaa bhɛnɩ wa ˈkä -lu nʋ ˈlɩlɩlɩ.—Ecclésiaste 9:5, 10.

Zoova ˈnɩɛ a-a ˈyɩbhä nɩɩ, nɩkpɛ nɩ ˈku. Zaa, -wa yɛɛ ˈku ˈwë, Zoova yʋaˈa -pa glu -sɛ. ˈN wa -kɔɔ ˈyukwli -pʋnɩ, wa yi ˈkwädlɩ -bhölɩ.