1 Timotius
2 Si pertama, kupindoken gelah erbage-bage pemindon, toto, ras pengatan bujur ipeseh guna erbage-bage jelma, 2 guna raja-raja ras kerina si kedudukenna meganjang.+ Alu bage banci terus sidalani geluhta alu tenang ras dame bas nembah Dibata, janah serius bas kai pe.+ 3 Enda kap si mehuli ras si ngena ate Dibata, Si Nelamatken kita,+ 4 si ersura-sura gelah erbage-bage kalak iselamatken+ janah ndatken pemeteh si tepat kerna kebenaren. 5 Sada ngenca Dibata,+ janah sada perantara+ antara Dibata ras manusia,+ eme sekalak dilaki, Kristus Jesus,+ 6 si ngorbanken dirina jadi tebusen guna nggalari erga si iperluken gelah kerina manusia* bebas arah dosa.+ Enda kap kesaksin si ibereken bas waktu si enggo itentuken. 7 Guna kesaksin enda+ aku ipilih jadi perberita ras rasul,+ jadi guru man bangsa-bangsa+ bas kiniteken ras kebenaren. Si kukataken enda tuhu, labo aku erbual.
8 Emaka ateku min tiap dilaki bas tiap ingan terus ertoto. Kalak si ertoto alu ngangkat tanna, arus min ia setia+ janah la nggit merawa+ bage pe sijawapen.+ 9 Bage ka pe si diberu, pejile min diri kena alu paken si sopan ras la lebihsa,* janah beluh min kena rukur. Ula lebihsa gaya buk kena, ntah pe make emas, ntah mutiara, ntah pe paken si seh kel ergana.+ 10 Tapi, pejilelah diri kena alu perbahanen si mehuli, si sesuai ras sekalak diberu si ngaku nembah Dibata.+
11 Sanga erlajar,* diberu arus sinik ras meteruk ukur.+ 12 La kuijinken sekalak diberu ngajar ntah pe nguasai dilaki. Tapi arus ia tetap sinik.+ 13 Sebap, leben Adam iciptaken asangken Hawa.+ 14 Janah labo Adam si kena tipu, tapi diberu e nge si kena tipu,+ dungna langgarna perentah Dibata. 15 Amin pe bage, adi sekalak diberu melahirken,+ ilindungi ia adi terus ia* erkiniteken, rate keleng, badia, janah beluh rukur.+