Masmur
149 Pujilah Jahwe!*
2 Mbera-mbera meriah ukur Israel perban Penciptana Si Mulia,+
Mbera-mbera ermeriah ukur penduduk Sion perban Raja kalak e.
3 Mbera-mbera puji kalak e gelarNa janahna landek,+
Ras endeken kalak e pujin* man baNa janahna main rebana ras harpa.*+
4 Sebap meriah ukur Jahwe ngidah umatNa.+
SelamatkenNa kalak si meteruk rukur gelah kalak e imuliaken.+
5 Mbera-mbera kalak si setia ermeriah ukur perban kemulianna,
Mbera-mbera ersurak kalak e alu ermeriah ukur bas ingan medemna.+
6 Mbera-mbera endeken kalak e lagu pujin man Dibata,
Jemak kalak e pedang si ntelap,
7 Guna mbalas bangsa-bangsa,
Ras ngukum suku-suku bangsa,
8 Guna ngiket raja-raja kalak e alu rante,
Bage pe nggari bangsawan kalak e,
9 Guna ngukum kalak e bali bagi si tertulis.+
Alu bage kemulian ibereken man kerina umatNa si setia.
Pujilah Jahwe!*