Masmur
Man peminpin musik. Lagu si iban Daud, sanga reh Nabi Natan njumpai ia kenca Daud erlua-lua ras Batseba.+
51 O Dibata, mekuah min ateNdu aku perban kekelengenNdu si setia.+
Masapken min pelanggarenku perban perkuah ateNdu si mbelin.+
3 Sebap kuakui kap pelanggarenku,
Lalap kuinget dosa-dosaku.+
Emaka benar kap Kam sanga Kam ngerana,
Adil kap Kam sanga Kam ngakimi.+
5 Bas dosa kap aku ilahirken,
Enggo kap aku erdosa mulai kin bas rahim mamakku nari.+
6 Jadi ateNdu kalak si benar pusuhna,+
Ajari min gelah angkai pusuhku kepentaren situhu-tuhu.
7 Murniken min aku arah dosaku,* gelah aku bersih.+
Cuci min aku, gelah bentaren aku asangken salju.+
8 Mbera-mbera kubegi sora keriahen ukur ras kesenangen,
Gelah ermeriah ukur tulan-tulanku si enggo perperkenNdu.+
11 Ula ambekkenNdu aku arah lebe-lebeNdu nari,
Ula buatNdu kesah si badiaNdu arah aku nari.
12 Ban min gelah kugejapken ka keriahen ukur perban keselamatenNdu,+
Ban min gelah meriah ukurku patuh man baNdu.
13 Kuajarken pagi dalan-dalanNdu man kalak si ngelakoken pelanggaren,+
Gelah kalak si erdosa mulihken man baNdu.
14 O Dibata si nelamatken aku,+ selamatken min aku arah utang dareh,+
Gelah meriah ukurku nceritaken keadilenNdu.+
16 Sebap labo Kam merhat nandangi korban, adi merhat kin Kam pasti kubereken,+
Labo Kam merhat persembahen tutungen.+
17 Tapi korban si ngena ateNdu o Dibata, eme pusuh si getem,
Labo tulakNdu pusuh si getem ras hancur.+
18 Mehuli min Kam man Sion,
Bangun min tembok-tembok Jerusalem.