Masmur
Masmur si iban Daud.
27 Jahwe kap terangku+ ras si nelamatken aku.
Ise pe la aku mbiar.+
Jahwe kap benteng geluhku.+
Ise pe la aku gentar.
2 Sanga serang kalak jahat aku guna munuh aku,+
Kalak e si tertuktuk ras ndabuh.
3 Amin pe serang pasuken tentera aku,
La aku mbiar.+
Amin pe lit perang ngelawan aku,
Tetap aku tek man baNa.
4 Sada si kupindo man Jahwe,
E me si kuarapken,
Banci min aku tading bas rumah Jahwe segedang geluhku,+
Guna ngidah uga ulina Jahwe,
5 Sanga aku bas kesusahen, lindungiNa aku,+
BunikenNa aku bas ingan rahasiaNa, bas kemahNa,+
TamaNa pagi aku i datas gunung batu si meganjang.+
6 Gundari enggo menang aku naluken musuh-musuh si lit i sekelilingku,
Kupersembahken pagi korban tutungen bas kemahNa janahku ersurak,
Kuendeken pagi pujin* man Jahwe.
8 Nina pusuhku,
“Enggo bereNdu perentah, ‘Daramilah Aku.’”
O Jahwe, pasti pagi Kam kudarami.+
9 Ula Kam buang muka man bangku.+
Ula rawaiNdu aku, ula tulakNdu aku.
Kam kap si nampati aku,+
O Dibata si nelamatken aku, ula aku tadingken tapi perdiateken min aku.
11 O Jahwe, ajari min aku dalan-dalanNdu,+
Babai min aku ku dalan si benar gelah terlindung aku arah musuh-musuhku.
12 Ula serahken aku man musuh-musuhku,+
Sebap kataken kalak e tuduhen palsu kerna aku,+
Jahat perbahanenna man bangku.
13 Adi la aku tek maka pasti nge kugejapken pagi kiniulin Jahwe bas geluhku,
Ngaraplah man Jahwe.