Jop
38 Kenca si e ngerana Jahwe man Jop arah angin badai,+
2 “Ise kin si la tek man keputusenKu e
Janah ngerana tapi la tehna uga situhuna?+
3 Ersikaplah kam bagi sekalak dilaki.
Kusungkuni kari kam janah arus jawapndu.
4 I ja dage kam sanga Kuban doni enda?+
Kataken bangKu adi erpengangka akapndu bandu.
5 Tehndu kin ise si nentuken asa kai belangna doni enda,
Janah si ngukursa alu nali pengukur?
6 I ja dage tiang-tiang si natang doni?
Janah ise kin si namaken batu utamana?+
8 Ise si nutup pintu-pintu laut+
Sanga mburtas ia arah sumberna* nari,
9 Sanga Kututupi ia alu embun
Janah kubungkus alu kegelapen si seh kel gelapna,
10 Sanga Kuban batasna
Janah kupasang pintu ras palangna,+
11 Sanga ningKu, ‘Ngayak jenda ngenca batasndu, la kam banci lewat,
Ombakndu si ergelombang arus ngadi i jenda,’ ise si erbanca?+
12 Pernah kin berendu perentah man erpagi-pagi
Ntah katakenndu man matawari i ja inganna terbit?+
13 Kam kin si nuruh sinar matawari lawes ku ujung-ujung doni
Janah mpelawes kalak jahat?+
14 Bentuk doni berubah bagi taneh liat si icap alu meterai,
Janah kerina isina jelas teridah bagi corak kain.
15 Tapi terang kalak jahat ibuat arah kalak e,
Janah lanai banci cilakaina kalak si deban.
16 Pernah kin kam nusur ku sumber laut
Janah erdalan-dalan bas lau si mbages?+
17 Pernah kin ituduhken man bandu gerbang kematen?+
Pernah kin idahndu gerbang si seh kel gelapna?*+
18 Tehndu kin uga belangna doni enda?+
Adi tehndu si e kerina, turiken dage man bangKu.
19 Tehndu kin ja nari rehna terang,+
Janah i ja sumber kegelapen?
20 Banci kin taruhkenndu ia ku inganna
Janah tehndu dalan ku rumahna?
21 Perban kam enggo lahir janah enggo metua kel kam maka tehndu kerna si e?
22 Pernah kin kam masuk ku gudang salju,+
Pernah kin idahndu gudang udan es,+
23 Si Kusimpan guna wari kesusahen
Eme guna wari pertempuren ras peperangen?+
25 Ise si mbagi-bagiken udan meder
Janah ise si erban dalan man embun badai?+
26 Ise si erban udan meder nusur ku ingan si la lit i je manusia,
27 Ise si erban taneh si gersang jadi litap
Janah erban turah dukut i je?+
29 Ise kin mamak es?
Ise kin si ngelahirken salju si nusur arah langit?+
30 Ise si erban lau bas laut bali bagi batu,
Janah banna beku bagin si arah datas laut si mbages?+
32 Banci kin babaindu ndarat bintang-bintang* i bas musimna,
Janah arak-arakndu bintang As* ras anak-anakna?
34 Banci kin serko kam man embun
Gelah penusurna udan si meder man bandu?+
35 Banci kin kirimndu kilap?
Reh ka kin ia mulihi janah nina, ‘Enda kami!’
37 Ise kin si perban pentarna ngasup ngkira embun,
Janah ise kin si ngasup mbalikken ingan-ingan lau i langit,+
38 Si erbanca abu jadi kubang
Janah erban taneh ergumpal?*
39 Banci kin kam si erburu guna ndatken pangan man singa,
Jenari besur banndu anak-anak singa si melihe,+
40 Sanga gempang ia bas inganna
Janah cebuni guna nyerang arah inganna nari?
41 Ise kin si nikapken pangan man burung gagak,+
Sanga nderkuh anak-anakna mindo penampat man Dibata
Janah lawes kalak e ku jah ku je perban la lit nakanna?