1 Korinti

10 O turang senina, ateku teh kena min maka kerina nini bulangta erdalan i teruh embun+ janah sebrangi kalak e laut.+ 2 Kerina kalak e jadi pengikut Musa sanga kalak e erdalan i teruh embun ras sanga sebrangi kalak e laut. 3 Kerina kalak e man pangan si seri si bereken Dibata,+ 4 janah kerina minem arah inemen si seri si bereken Dibata.+ Biasana kalak e minem arah batu si bereken Dibata guna nemani kalak e, eme Kristus.+ 5 Amin pe bage, teremen arah kalak e nari la ngena ate Dibata. Buktina, kalak e ibunuh i taneh mesawang.*+

6 Kerina e jadi pelajaren banta, gelah la kita bagi kalak e si ngarapken kai si la mehuli.+ 7 Ula nembah berhala, bagi si lakoken piga-piga bas kalak e nari. Lit tertulis, “Man ras minem kalak e janah ersenang-senang.”+ 8 Ula silakoken perbahanen seks si salah* bagi si lakoken piga-piga arah kalak e nari, si erban 23.000 arah kalak e mate bas sada wari.+ 9 Ula sicubai Jahwe*+ bagi si mbarenda ilakoken piga-piga arah kalak e si erbanca kalak e mate itagut nipe.+ 10 Ula jungut-jungut bagi piga-piga arah kalak e,+ si dungna ibunuh malekat.+ 11 Kerina si terjadi man kalak e jadi pelajaren janah itulis jadi persinget man banta+ si nggeluh bas wari-wari pendungi doni enda.

12 Kalak si paguh kapna pertedisna, hati-hatilah gelah ula ia ndabuh.+ 13 Kerina percuban si adapi kena situhuna percuban si biasa adapi kerina kalak.+ Tapi Dibata e setia, labo pediatNa kena icubai lebih asa gegeh kena.+ Sanga lit percuban, bereNa kena jalan keluar gelah banci kena sabar* ngadapisa.+

14 Emaka, turang senina si kukelengi, pedauhlah diri* kena arah nembah berhala nari.+ 15 Ngerana aku man kena bagi ngerana man kalak pentar. Ukuri kenalah kai si kukataken e. 16 La kin calung* pengatan bujur si enggo sibagiken kenca ngata bujur man Dibata ngertiken dareh Kristus?+ La kin roti si enggo sicepik-cepikken janah enggo sibagiken ngertiken daging Kristus?+ 17 Roti e sada kap ngenca, janah kerina kita man roti e. Emaka amin pe kita enterem, kita sada daging kap.+

18 Ukurilah kerna kalak Israel:* La kin kalak si man korban si ipersembahken bas ingan nutung* persembahen tempa-tempa man ras Dibata?+ 19 Adi bage, kai nge maksudku? Lit kin ertina persembahen man berhala e ntah lit kin ertina berhala e? 20 Tentu lang. Maksudku, kalak si nembah berhala mereken korban man malekat-malekat jahat labo man Dibata,+ la teku kena man ras malekat-malekat jahat.+ 21 La kena banci minem arah calung* Jahwe* nari janah arah calung* malekat-malekat jahat nari, ntah pe man bas “meja Jahwe”*+ janah man bas meja malekat-malekat jahat nari. 22 Ntah, ‘siban kin ateta Jahwe* cemburu’?+ Me labo kita gegehen asangken Ia?

23 Kerina banci ilakoken, tapi labo kerina erguna. Kerinana banci ilakoken, tapi labo kerinana mpegegehi kita.+ 24 Tiap kalak arus min ngukuri kepentingen kalak si deban, labo kepentingenna saja.+

25 Panlah kai pe si idayaken bas pajak daging, janah la padah sungkuni kena perban pusuh peraten kena, 26 perban “Jahwe* kap si mpuna doni ras kerina isina.”+ 27 Adi undang kalak si la sada kiniteken kena janah dahi kena ate kena, panlah kai pe si isikapkenna i je. La perlu sungkun kena perban pusuh peraten kena. 28 Tapi adi lit si ngataken, “Pangan enda enggo ipersembahken man berhala,” ula panndu guna kalak si ngatakenca e janah guna pusuh peraten.+ 29 Maksudku labo pusuh peraten kena, tapi pusuh peraten kalak si ngatakenca e. Labo ateku kebebasenku e erban aku ihakimi pusuh peraten kalak si deban.+ 30 Amin pe kupan pangan e janah kukataken bujur, arus kin kupan pangan e adi si e erban aku ihina?+

31 Emaka, la soal kena man ntah pe minem ntah ngelakoken kai pe, lakokenlah kerinana guna kemulian Dibata.+ 32 Ula sempat kena bagi batu si erban tertuktuk man kalak Jahudi, kalak Junani, bage pe man runggun Dibata.+ 33 Bagi aku, usahakenlah erban kerina kalak senang bas kerina keadan, labo ngukuri kepentingenku saja,+ tapi ngukuri kepentingen enterem kalak gelah kalak e iselamatken.+