Masmur
Man peminpin musik, menurut “Rusa Beruna sanga Erpagi-pagi.”* Lagu si iban Daud.
22 O Dibataku, o Dibataku, engkai maka tadingkenNdu aku?+
Engkai maka la Kam reh nelamatken aku,
Engkai maka la begikenNdu soraku tangis?+
2 O Dibataku, lalap aku erlebuh man baNdu suari ras berngi,
Tapi la aku aloiNdu.+
3 Kam Dibata si badia kap,+
TahtaNdu ikelilingi pujin arah kalak Israel.
5 Serko kalak e man baNdu, janah selamatkenNdu kalak e,
6 Tapi aku labo manusia, aku bagi cacing,
Ihina ras irendahken kalak.+
7 Kerina kalak si ngidah aku nokohi aku,+
Tawa kalak e mandangi aku janah geleng-geleng kepala ia, nina,+
8 “Tek ia man Jahwe. Dibatalah si nelamatken ia!
Dibatalah si mbebasken ia, adi tuhu kin keleng ateNa ia!”+
9 Kam kap si erban aku ndarat arah rahim mamakku nari,+
Si erban aman kuakap sanga dakep mamakku.
10 Mulai aku lahir, enggo urusNdu aku,
Mulai aku bas rahim mamakku, Kam enggo jadi Dibataku.
11 Ula Kam ndauh arah aku nari, perban kesusahen enggo nandangi reh,+
La lit si nampati aku selain Kam.+
14 Gegehku keri mambur bagi lau.
Tulan-tulanku lepas arah sendina nari.
15 Gegehku enggo kerah bagi pecahen kudin taneh.+
16 Kepung musuh-musuhku aku,+
Kalak e bagi biang, iserangna aku,+
Bagi singa, iserangna tanku ras naheku.+
17 Kerina tulanku teridah janah banci ikira.+
Perdiateken musuhku aku janah terus aku tatapna.
19 Tapi Kam o Jahwe, ula min Kam ndauh arah aku nari.+
Kam kap gegehku, meter min aku sampatiNdu.+
20 Selamatken min aku arah pedang nari,
Selamatken min kesahku si merga arah serangen biang nari.+
21 Selamatken min aku arah babah singa+ ras tanduk lembu jantan liar,
Aloi min aku janah selamatken aku.
22 Kupebetehken gelarNdu man senina-seninaku.+
Kupuji Kam i tengah-tengah perpulungen.+
23 O kena si mbiar man Jahwe, pujilah Ia!
O keturunen Jakup, muliakenlah Ia!+
O keturunen Israel, hamatilah Ia!
24 Labo ihinaNa kalak si tertindas, labo segat ateNa kalak si susah.+
Labo Ia buang muka arah kalak si bage.+
Tapi begikenNa sanga kalak e mindo penampat.+
25 Kupuji Kam i tengah-tengah perpulungen si mbelin,+
Kutepati janjiku i lebe-lebe kalak si mbiar man baNdu.
26 Kalak si lembut pusuhna, pasti pagi man seh asa besur,+
Kalak si ndarami Jahwe pasti pagi muji Ia.+
Mbera-mbera kalak si bage nggeluh seh rasa lalap.
27 Kerina kalak i belang-belang doni, ingetna pagi Jahwe janah mulih kalak e man baNa.
Kerina keluarga bangsa-bangsa sujud pagi i lebe-lebeNa.+
28 Sebap Jahwe kap Raja.+
Ia erkuasa nandangi bangsa-bangsa.
29 Kerina kalak si bayak i doni man pagi, janah sujud kalak e.
Kerina kalak si dungna mulihken jadi taneh, sujud pagi i lebe-lebeNa.
La lit si banci nambahi umur kalak e.
30 O Jahwe, keturunen kalak e pagi ngelayani Kam,
Ipebetehken pagi kerna Kam man keturunen kalak e.
31 Reh pagi kalak e nceritaken perbahanenNa si benar.
Man bangsa-bangsa si nandangi lahir, ikataken kalak e pagi kai si enggo lakokenNa.