Masmur
Man Nehilot* peminpin musik. Lagu si iban Daud.
5 O Jahwe begiken min rananku,+
AngkaiNdu min ateku mesui.
2 Perdiateken min soraku erlebuh mindo penampat.
O Rajaku ras Dibataku, perban man baNdu kap aku ertoto.
3 O Jahwe, begikenNdu kap pagi soraku paksa erpagi-pagi,+
Sanga erpagi-pagi, kuturiken kerina kebiarenku+ ras kutimai kataNdu.
5 La lit kalak si sombong si banci tedis i lebe-lebeNdu.
Segat ateNdu kerina kalak si jahat perbahanenna.+
6 KernepkenNdu kerina si perbual.+
Ciga ate Jahwe man kalak kejam ras penipu.+
7 Tapi perban belinna kekelengenNdu si setia,+ masuk pagi aku ku rumahNdu,+
Sujud aku janah pengalaku ku rumah pertotonNdu* guna mbuktiken uga belinna pengerganku man baNdu.+
8 O Jahwe, Kam benar kap, emaka tegu-tegu min aku perban musuh-musuhku lit i sekelilingku,
Sampati aku erdalan bas dalanNdu janah la tertuktuk.+
9 Kata-katana la terteki,
Kejahaten saja ngenca si lit bas pusuhna,
Babahna bagi kuburen si nganga,
Berekenna pujin tapi la arah pusuhna nari.+
10 Tapi kataken Dibata maka kalak e ersalah,
Ndabuh kalak e perban rencana si ibanna.+
Pelaweslah kalak e perban mbue kel pelanggarenna,
Sebap mberontak kalak e man baNdu.
11 Tapi kerina kalak si erlindung man baNdu pasti ermeriah ukur,+
Lalap kalak e ermeriah ukur.
HalangiNdu pagi kalak si ngganggu kalak e,
Kalak si keleng atena gelarNdu pasti ermeriah ukur perban Kam.