Pengampunen Dosa Sope Lit Tebusen

Dosa-dosata banci iampuni perban tebusen si igalari Jesus alu darehna. (Ep. 1:7) Tapi, ikataken Pustaka maka “enggo ampuni Dibata dosa-dosa si lit bas jaman si mbarenda,” eme sope Jesus mereken geluhna jadi korban tebusen. (Rom. 3:25) Uga maka banci ilakoken Jahwe si e, tapi tetap ikataken keadilenNa sempurna?

Erjanji Jahwe maka lit pagi ‘keturunen’ si nelamatken ras si nebus dosa kalak si erkiniteken. (Kej. 3:15; 22:18) Sanga ijanjiken Jahwe kerna si e, ianggapNa tebusen e tempa-tempa enggo igalari. Tek kel Jahwe pasti nggit AnakNa e mereken geluhna jadi tebusen, bas waktu si enggo tetapkenNa. (Gal. 4:4; Heb. 10:​7-10) Sanga Jesus i doni, tugasna eme jadi wakil Dibata, janah lit wewenangna ngampuni dosa amin pe tebusen lenga lit. Banci ampuni Jesus dosa kalak si erkiniteken perban tehna maka korban tebusen si iberena banci nutupi dosa kalak e.—Mat. 9:​2-6.