Kam Banci Jadi Teman Jahwe

Ate Jahwe tuhu-tuhu tandaindu min Ia. Engkai? Sebap adi reh buena tehndu kerna sipat-sipatNa, caraNa erurusen ras manusia, ras kai si arapkenNa arah kam, banci reh merhatna kam jadi temanNa. Tapi, mungkin nge kapndu kam banci jadi teman Dibata? (Baca Masmur 25:14.) Kai si perlu lakokenndu gelah banci kam jadi teman Dibata? Bas Pustaka si Badia lit jawapenna. Bas Pustaka si Badia pe ikataken kai alasenna maka Jahwe me Teman si mehulina si banci sidatken.

1. Undangen kai si bereken Jahwe man bandu?

Nina Pustaka si Badia, “Rembakkenlah diri kena ku Dibata, emaka rembakkenNa ka diriNa man kena.” (Jakup 4:8) Kai maksudna? Undang Jahwe kam jadi temanNa. Lit si erpengakap maka ia labo banci jadi teman Dibata perban Dibata la banci siidah. Tapi arah Pustaka si Badia, kataken Jahwe uga sipat-sipatNa gelah banci kita ndeher ras Ia. Emaka adi sibaca kata-kata Jahwe bas Pustaka si Badia, banci kita erteman ras Jahwe amin pe la banci siidah Ia.

2. Engkai maka Jahwe me Teman si mehulina?

Keleng kel ate Jahwe kam, lebihen asangken ise pe. AteNa, meriah min ukurndu ndalani kegeluhenndu. Janah ertoto min kam man baNa katawari pe kam perlu penampat. Nina Pustaka si Badia, “Benterkenlah kerina kekuatiren kena man Dibata, sebap perdiatekenNa kap kena.” (1 Petrus 5:7) Katawari pe, banci janah nggit Jahwe nampati, mpegegehi, ras megiken teman-temanNa.​—Baca Masmur 94:18, 19.

3. Kalak si uga nge si banci jadi teman Jahwe?

Keleng ate Jahwe kerina kalak, “tapi kompak Ia erteman ras kalak si bujur.” (Kuan-kuanen 3:32) Ate Jahwe teman-temanNa ngelakoken kai si mehuli janah la nggit ngelakoken kai si la mehuli. Lit piga-piga si erpengakap maka la mungkin silakoken kerina si pindo Jahwe janah la mungkin sipedauh kerina si la ngena ate Jahwe. Tapi erpengangka kel Jahwe, ise pe si tuhu-tuhu engkelengi Ia janah erusaha erban meriah ukurNa, alokenNa jadi temanNa.​—Masmur 147:11; Perbahanen Rasul-Rasul 10:34, 35.

PELAJARI TERBAGESEN

4. Teman Jahwe kap Abraham

Bas Pustaka si Badia lit ceritakenna kerna Abraham (Abram). Arah cerita e banci siteh kalak si uga kin si banci jadi teman Dibata. Bacalah kerna Abraham bas Kejadin 12:1-4. Kenca si e bahas penungkunen-penungkunen enda:

• Kai si perentahken Jahwe man Abraham?

• Kai janji Jahwe man bana?

• Kai si lakoken Abraham kenca begina perentah Jahwe?

5. Si arapken Jahwe arah temanNa

Biasa nge adi lit siarapken arah temanta.

• Kai nge si arapkenndu arah temanndu?

Bacalah 1 Johanes 5:3, kenca si e bahas penungkunen enda:

• Kai si arapken Jahwe ilakoken teman-temanNa?

Gelah banci patuh man Jahwe, banci jadi perlu siubah perbahanenta ntah pe sipat-sipatta. Bacalah Jesaya 48:17, 18, kenca si e bahas penungkunen enda:

• Engkai maka pindo Jahwe temanNa erban perubahen?

6. Si lakoken Jahwe man teman-temanNa

VIDEO: Melala Kal Penampat Jahwe man Bangku (3:20)

• Uga Jahwe nampati diberu si lit bas video e guna ngadapi perukuren ras perasan negatif?

Bacalah Jesaya 41:10, 13, kenca si e bahas penungkunen-penungkunen enda:

• Kai janji Jahwe man kerina temanNa?

• Banci nge kapndu Jahwe jadi Teman si mehuli? Engkai maka bage nindu?

7. Gelah banci jadi teman Jahwe, perlu kita ngerana man baNa janah sibegiken Ia

Kalak si erteman banci reh kompakna adi rusur kalak e ngerana-ngerana. Bacalah Masmur 86:6, 11, kenca si e bahas penungkunen-penungkunen enda:

• Uga carana kita ngerana man Jahwe?

• Uga carana Jahwe ngerana man banta?

KESIMPULEN PELAJAREN ENDA

Jahwe merhat jadi Temanndu, janah pasti sampatiNa kam gelah banci erteman ras Ia.

Kai si Enggo Sipelajari?

• Uga cara Jahwe nampati teman-temanNa?

• Engkai maka suruh Jahwe teman-temanNa erban perubahen bas perbahanen ras sipat-sipatna?

• Adi menurutndu mesera nge jadi teman Jahwe? Engkai maka bage nindu?

DARAMI TERBUEN

Kai nge gunana adi erteman kam ras Dibata?

“Yehuwa Allah yang Layak Dikenal” (Menara Pengawal 15 Februari 2003)

Uga carana gelah banci kam jadi teman Dibata?

“Bagaimana Aku Bisa Menjadi Sahabat Allah?” (Pertanyaan Kaum Muda​—Jawaban yang Praktis, Jilid 2, pasal 35)

Bacalah pengalamen sekalak diberu si reh ulina kegeluhenna perban nggit ia jadi teman Jahwe.

“La Aku Nggit Mate!” (Sora Ermomo No. 1 2017)

Begikenlah uga perasan piga-piga anak muda perban erteman ras Jahwe.

Kai Gunana Jadi Teman Dibata? (1:46)

6. Kenca kita iperidiken, kita jadi anggota keluarga Jahwe

Kenca kita iperidiken, kita jadi bagin keluarga si ersada i belang-belang doni. Kerina Saksi Jahwe, la soal i ja ia tading ras uga latar belakangna, seri kinitekenna janah cara geluhna sesuai ras kai si ikataken bas Pustaka si Badia. Bacalah Masmur 25:14 ras 1 Petrus 2:17, kenca si e bahas penungkunen enda:

• Menurut ayat-ayat e, manpaat kai nge si idat kalak si enggo iperidiken?

2. Uga carana gelah lit tujun kegeluhenta gundari?

Sanga kita iciptaken Dibata Jahwe, itamaNa bas pusuhta sura-sura guna ndatken “keperlun rohani,” maksudna lit sura-surata nandai Dibata ras nembah Ia. (Baca Matius 5:3-6, cataten i teruh.) AteNa rembak kita ras Ia, ‘erdalan kita bas dalan-dalanNa, sikelengi Ia,’ janah silayani Ia “alu bulat ukur.” (Ulangen 10:12; Masmur 25:14) Adi silakoken e, banci tuhu-tuhu meriah ukurta amin pe lit masalahta. Adi silayani Jahwe, silakoken me kai si ngena ateNa, e erban lit tujun kegeluhenta.