Ingetndu Nge?
Enggo nge bacandu artikel-artikel Sora Ermomo tahun enda? Adi enggo, cuba jawapndu penungkunen-penungkunen enda:
Kai gunana adi sigunaken waktuta ngerana ras Jahwe, megiken Ia, ras ngukuri kerna Ia?
Reh beluhna kita erban keputusen si mehuli, reh beluhna kita ngajar, reh paguhna kinitekenta, janah reh belinna kekelengenta man Jahwe.—w22.01, hal. 30-31.
Engkai maka perlu terus siusahaken tek man Jahwe ras organisasiNa?
Gundari nari, arus kita tek maka petunjuk Jahwe lalap benar. La kita ragu nandangi petunjuk ras keputusen si iban pertua-pertua. Alu bage, sanga terjadi kiniseran si mbelin, reh nukahna me siakap patuh man petunjuk si tempa-tempa la masuk akal ntah pe mesera siakap ndalankenca.—w22.02, hal. 4-6.
Kai maksud malekat sanga katakenna man Sakaria kerna ‘alat pengukur tegak lurus bas tan [Gubernur] Serubabel’? (Sak. 4:8-10)
Pengenehenen e erban umat Dibata tek maka rumah pertoton pasti dung ibangun janah sesuai ras sura-sura Jahwe, amin pe rumah pertoton e sederhana.—w22.03, hal. 16-17.
Uga carana gelah banci kita ‘jadi usihen bas ranan’? (1 Tim. 4:12)
Arus kita ngerana alu mehuli ras mehamat bas pelayanen, rende alu bulat ukur ras ratur mereken komentar bas perpulungen, ngerana alu jujur ras mpegegehi, janah la kasar rananta.—w22.04, hal. 6-9.
Ciri-ciri bas empat binatang buas (kerajan-kerajan) si ituriken bas Daniel pasal 7 lit bas sada binatang buas si igambarken i Ketangkasen 13:1, 2. Kai si banci sisimpulken kerna si e?
Binatang buas bas Ketangkasen pasal 13 labo maksudna sada kerajan saja, bagi kerajan Roma. Tapi, e nggambarken kerina pemerentahen si lit mbarenda bage pe si lit gundari.—w22.05, hal. 9.
Uga carata mbuktiken maka tek kita Jahwe e adil?
Adi lit perbahanen ntah pe pengerana kalak si erban kita sakit hati, siusahakenlah la segat ateta ia janah la kita merawa man bana. Sipediatlah Jahwe si ndungi masalah e. Banci pagi pekena Jahwe kerina masalah perban dosa.—w22.06, hal. 10-11.
Kai si perlu iinget turang senina si mpeseh toto bas perpulungen?
Toto e tujunna labo guna mereken nasehat man runggun ntah pe guna mereken pengumumen. Emaka, ula min gedang banna totona. (Mat. 6:7)—w22.07, hal. 24-25.
Kai maksudna “kalak si jahat perbahanenna ipekeke guna ihakimi”? (Joh. 5:29)
Labo pagi kalak e ihukum perban kai si ilakokenna mbarenda. Iperdiateken ras ipereksa pagi perbahanen kalak e kenca ipekeke janah e me si nentuken penghakimen man kalak e.—w22.09, hal. 18.
Kai si iumumken J. F. Rutherford sanga lit pertemuan si iban bas bulan September 1922?
Bas pertemuan si iban bas Cedar Point, Ohio, AS, iumumkenna: “Raja enggo merentah! Kena kap perberita-perberitana. Emaka umumken, umumken, umumken Raja ras Kerajanna!”—w22.10, hal. 3-5.
Kai telu cara Dibata nampati kita gelah megenggeng bagi si ituriken bas Jesaya pasal 30?
Bas pasal e icidahken maka (1) Jahwe nggit megiken ras njawap totota, (2) mereken petunjuk man banta, janah (3) pasu-pasuNa kita gundari bage pe bas wari si pepagi.—w22.11, hal. 9.
Engkai maka banci sisimpulken kata-kata bas Masmur 37:10, 11, 29 enggo terjadi mbarenda janah terjadi ka pagi?
Kata-kata si itulis Daud e nggambarken situasi bas Israel mbarenda, contohna bas pemerentahen Raja Salomo. Jesus pe ikutipna ayat 11 guna nggambarken kai pagi si terjadi bas pardis. (Mat. 5:5; Luk. 23:43)—w22.12, hal. 8-10, 14.