• Kai nge Sura-Sura Dibata Nandangi Manusia?
    Ermeriah Ukur Seh Rasa Lalap!—Erlajar Pustaka si Badia
    • Pelajaren 25. Doni adi sinen luar angkasa nari.

      PELAJAREN 25

      Kai nge Sura-Sura Dibata Nandangi Manusia?

      Bas Pustaka si Badia ikataken uga kegeluhen manusia. Nina, “Gendek umurna janah dem kesusahen.” (Jop 14:1) Bage kin situhuna sura-sura Dibata nandangi manusia? Adi lang, kai sura-suraNa nandangi manusia? Terjadi nge pagi sura-sura Dibata e? Mari siperdiateken kai jawapen Pustaka si Badia. Jawapenna banci erban meriah ukurta.

      1. Uga situhuna sura-sura Jahwe nandangi manusia?

      Ate Jahwe meriah min siakap ndalani kegeluhenta. Sanga iciptakenNa manusia si pertama Adam ras Hawa, ibanNa kalak e tading i bas ingan si seh kel jilena eme Taman Eden. Kenca si e “pasu-pasu Dibata kalak e. Nina Dibata man kalak e, ‘Ertambah-tambahlah janah reh teremnalah, demilah doni ras kuasailah.’” (Kejadin 1:28) Ate Jahwe lit min keturunen kalak e, iban kalak e doni jadi pardis, janah iurusna binatang-binatang. TujunNa gelah kerina kalak ngenanami kegeluhen si sempurna janah nggeluh seh rasa lalap.

      Gundari, kegeluhen manusia lenga bagi sura-sura Dibata.a Tapi sura-suraNa e la berubah. (Jesaya 46:10, 11) AteNa kalak si patuh nggeluh rasa lalap i bas keadan si sempurna.​—Baca Ketangkasen 21:3, 4.

      2. Uga carana gelah lit tujun kegeluhenta gundari?

      Sanga kita iciptaken Dibata Jahwe, itamaNa bas pusuhta sura-sura guna ndatken “keperlun rohani,” maksudna lit sura-surata nandai Dibata ras nembah Ia. (Baca Matius 5:3-6, cataten i teruh.) AteNa rembak kita ras Ia, ‘erdalan kita bas dalan-dalanNa, sikelengi Ia,’ janah silayani Ia “alu bulat ukur.” (Ulangen 10:12; Masmur 25:14) Adi silakoken e, banci tuhu-tuhu meriah ukurta amin pe lit masalahta. Adi silayani Jahwe, silakoken me kai si ngena ateNa, e erban lit tujun kegeluhenta.

      PELAJARI TERBAGESEN

      Sipelajari kari uga belinna kekelengen si icidahken Jahwe sanga isikapkenNa doni enda man banta. Sipelajari ka kari kai si ajarken Pustaka si Badia kerna tujun kegeluhen enda.

      Adam ras Hawa natap-natap ingan tading kalak e si dem sinuan-sinuan ras binatang-binatang.

      3. Luar biasa kel sura-sura Jahwe nandangi manusia

      Putar VIDEO, kenca si e bahas penungkunen enda:

      VIDEO: Engkai maka Iban Dibata Doni Enda?​—Cupliken (1:41)

      • Engkai maka ciptaken Dibata doni si mejile enda?

      Bacalah Pengerana 3:11, kenca si e bahas penungkunen enda:

      • Arah ayat enda, kai si banci tehndu kerna sura-sura Jahwe man manusia?

      4. Sura-sura Jahwe la berubah

      Bacalah Masmur 37:11, 29 ras Jesaya 55:11, kenca si e bahas penungkunen enda:

      • Janari siteh sura-sura Jahwe man manusia la berubah?

      A. Rumah si enggo ceda. Atapna enggo ceda, kaca jendelana enggo pecah, janah melala sampah bas tamanna. B. Rumah e enggo ipekena. Rumah e ras tamanna enggo mejile.

      Rumah si enggo ceda banci denga ipekena. Doni si enggo ceda iban manusia enda pe, banci ka ipekena Dibata man ingan tading kalak si engkelengi Ia.

      5. Ngelayani Jahwe erban lit tujun geluhta

      Adi siteh tujun kegeluhen enda, banci meriah ukurta. Putar VIDEO, kenca si e bahas penungkunen enda:

      VIDEO: Kuteh Dungna Kai Tujun Geluh Enda (5:03)

      • Kai manpaatna man Terumi kenca itehna kai tujun kegeluhen?

      Bacalah Pengerana 12:13, kenca si e bahas penungkunen enda:

      • Uga carata ngata bujur man Jahwe perban melala kel si enggo ilakokenNa man banta?

      LIT SI NGATAKEN: “Engkai maka ciptaken Dibata manusia adi mate ka nge dungna?”

      • Uga nge nindu njawapsa?

      KESIMPULEN PELAJAREN ENDA

      Ate Jahwe kita nggeluh seh rasa lalap i doni enda i bas keadan si sempurna. Adi silayani Jahwe alu bulat ukurta, gundari pe banci sidat keriahen ukur.

      Kai si Enggo Sipelajari?

      • Kai nge tangtangna tujun Jahwe nciptaken Adam ras Hawa?

      • Janari banci siteh maka sura-sura Dibata man manusia la berubah?

      • Uga carana gelah tuhu-tuhu meriah ukurta?

      Cuba Lakoken Enda

      DARAMI TERBUEN

      Nenlah kai buktina maka Taman Eden pernah lit bas doni enda.

      “Taman Eden​—Mitos atau Fakta?” (Menara Pengawal 1 Januari 2011)

      Nenlah engkai maka banci kita tek maka doni enda pasti lit seh rasa lalap.

      “Apakah Bumi Akan Hancur?” (Artikel web)

      Pereksalah kai nina Pustaka si Badia kerna tujun geluhta.

      “Apa Tujuan Hidup Kita?” (Artikel web)

      Nenlah pengalamen sekalak dilaki si lit kapna si kurang bas geluhna aminna pe bayak ia.

      Sekarang Hidup Saya Benar-Benar Bermakna (3:55)

      a Bas pelajaren seterusna, sipelajari engkai maka kegeluhenta lenga bagi sura-sura Dibata.

  • Kai si Nandangi Ilakoken Kerajan Dibata?
    Ermeriah Ukur Seh Rasa Lalap!—Erlajar Pustaka si Badia

    • Kai si Nandangi Ilakoken Kerajan Dibata?

      Kerajan Dibata enggo merentah i surga. Lanai ndekah Kerajan e merentah ku doni enda janah erban keadan doni enda jadi reh ulina. Sibahas kari kai saja contoh si nandangi ilakoken Kerajan e.

      1. Uga carana Kerajan Dibata erban doni enda dame ras adil?

      Jesus, Raja Kerajan Dibata, nandangi engkernepken kerina kalak jahat bage pe pemerentahen manusia bas perang Harmagedon. (Ketangkasen 16:14, 16) Sanga si e pagi, janji Pustaka si Badia enda tuhu-tuhu terjadi. Nina, “Ntisik nari lanai lit kalak jahat.” (Masmur 37:10) Arah Kerajan Dibata, iban Jesus pagi keadan doni enda dame ras adil.​—Baca Jesaya 11:4.

      2. Adi enggo seh peraten Dibata ku doni, uga nge pagi kegeluhenta?

      Bas pemerentahen Kerajan Dibata, “kalak si benar pagi si ndatken doni, ringan ia i je seh rasa lalap.” (Masmur 37:29) Bayangken keadanna pagi, kalak si benar ngenca tading bas doni enda, keleng ate kalak e Jahwe janah kalak e pe sikeleng-kelengen! Lanai pagi lit kalak si sakit, janah kerina nggeluh seh rasa lalap.

      3. Kai pagi si lakoken Kerajan Dibata kenca kalak jahat ikernepken?

      Kenca kalak jahat ikernepken, Jesus merentah jadi Raja 1.000 tahun dekahna. Sanga si e pagi, Jesus ras 144.000 kalak si merentah ras ia nampati manusia i doni jadi sempurna. Kenca dung 1.000 tahun, doni enda enggo iubah jadi pardis si mejile. Janah kerina kalak meriah ukurna perban patuhina perentah Jahwe. Kenca si e, ibereken Jesus mulihi Kerajan e man Bapakna, Jahwe. Sanga si e pagi, gelar Jahwe tuhu-tuhu ipebadia. (Matius 6:9, 10) Terbukti me Jahwe jadi Penguasa si mehuli si mperdiateken rakyatNa. Kenca si e, imasapken Jahwe me Setan, malekat-malekat jahat ras kerina manusia si la nggit patuh man pemerentahenNa. (Ketangkasen 20:7-10) Kerina si mehuli si ihasilken Kerajan Dibata, lit pagi seh rasa lalap.

      PELAJARI TERBAGESEN

      Sibahas kari engkai maka kita tek igunaken Dibata KerajanNa erban kerina janjiNa bas Pustaka si Badia terjadi.

      4. Kerina pemerentahen manusia imasapken Kerajan Dibata pagi

      Sedekah enda “manusia nguasai manusia janah dungna cilaka.” (Pengerana 8:9) Igunaken Jahwe pagi KerajanNa guna nasapken kerina si la adil.

      Bacalah Daniel 2:44 ras 2 Tesalonika 1:6-8, kenca si e bahas penungkunen enda:

      • Kai nge pagi si lakoken Jahwe ras AnakNa, Jesus, man kerina pemerentahen manusia bage pe pendukungna?

      • Arah kai si enggo pelajarindu kerna Jahwe ras Jesus, kai si erban kam tek maka kalak e pasti lalap adil?

      Jesus Raja i surga merentah seh ku pardis i doni.

      5. Jesus me Raja si mehulina

      Selaku Raja Kerajan Dibata, melala pagi cara si igunaken Jesus nampati kalak si lit bas doni enda. Putar VIDEO si ncidahken maka nggit Jesus nampati manusia janah enggo bereken Dibata kuasa man bana guna ngelakokenca.

      VIDEO: Cidahken Jesus Kai Pagi si Lakoken Kerajan Dibata (1:13)

      Kerina si ilakoken Jesus sanga ia i doni, jadi contoh kerna kai pagi si ilakokenna bas Kerajan Dibata. Nenlah daftar kerna kai saja si enggo ilakoken Jesus ras si nandangi ilakokenna, janah pilihlah si apai si arapkenndu kel terjadi. Bacalah ayat-ayatna.

      SANGA I DONI . . .

      ARAH SURGA NARI . . .

      • Jesus erban melala pangan i belang-belang doni.​—Masmur 72:16.

      • Jesus mereken kesehaten si sempurna man kerina kalak.​—Jesaya 33:24.

      6. Kerajan Dibata erban cerah masa depan manusia

      Sura-sura Dibata Jahwe man manusia tangtangna nari eme gelah manusia nggeluh seh rasa lalap bas pardis i doni. Kerajan Dibata pagi si erban sura-sura Dibata Jahwe e terjadi. Putar VIDEO kerna uga Jahwe nggunaken AnakNa, Jesus, erban terjadi sura-suraNa.

      VIDEO: Gambaren kerna Masa Depan si Luar Biasa (4:38)

      Bacalah Masmur 145:16, kenca si e bahas penungkunen enda:

      • Uga perasanndu kenca tehndu ‘isehken Jahwe pagi sura-sura kerina si nggeluh seh asa puas’?

      LIT SI NGATAKEN: “Adi sikaplah pemerentahen enda, banci nge dung kerina masalahta.”

      • Masalah kai saja nge si la banci idungi pemerentahen manusia, tapi banci idungi Kerajan Dibata?

      KESIMPULEN PELAJAREN ENDA

      Kerajan Dibata pagi si erban sura-sura Dibata terjadi. Kerajan e pagi si ngubah doni jadi pardis, janah kalak si benar ngenca tading i je. Sembah kalak e pagi Jahwe seh rasa lalap.

      Kai si Enggo Sipelajari?

      • Uga carana Kerajan Dibata mpebadia gelar Dibata Jahwe?

      • Engkai maka kita tek Kerajan Dibata banci erban kerina janji bas Pustaka si Badia terjadi?

      • Arah kerina si nandangi ilakoken Kerajan Dibata, si apai nge si arapkenndu kel terjadi?

      Cuba Lakoken Enda

      DARAMI TERBUEN

      Kai nge Harmagedon ntah pe Armagedon e?

      “Apa Perang Armagedon Itu?” (Artikel web)

      Kai nge pagi si terjadi bas peristiwa si igelari Jesus “kiniseran si mbelin”?—Matius 24:21.

      “Apa Itu Kesengsaraan Besar?” (Artikel web)

      Perdiatekenlah uga keluarga-keluarga banci ras-ras mbayangken kalak e nggeluh bas Pardis.

      Bayangkan Kamu Ada di Firdaus (1:50)

      Bas artikel “Banyak Pertanyaan Mengganggu Pikiran Saya,” perdiatekenlah uga sekalak pemberontak politik ndatken jawapen arah penungkunen-penungkunen si sedekah enda daramina jawapenna.

      “Alkitab Mengubah Kehidupan” (Menara Pengawal 1 Januari 2012)