2. Uga sifat kalak si la teman Dibata? (Nen gambar pemena artikel.)

² Tapi, inubuatken ka bas Pustaka maka bas jamanta, kalak si labo teman Dibata salah si ikelengina eme dirina saja. Ikataken rasul Paulus maka bas wari pendungi pagi, kalak “nggeluh ngukurken dirina saja, merangap” ras “lanai diatena Dibata, tapi kesenangen saja idaramina.” (2 Timotius 3:1-4) Kekelengen si bage, beda kel ras kekelengen ku Dibata. Iakap kalak, ermeriah ukur ia adi mentingken bana, tapi situhuna labo. Malahen, enda erban kegeluhen susah.

4. Engkai maka labo salah sikelengi dirinta?

⁴ Nina Paulus, “Manusia nggeluh ngukurken dirina saja.” Adi bage salah nge sikelengi dirinta? Labo salah, perlu nge sikelengi dirinta. Bage kap kita iciptaken Jahwe. Nina Jesus, “Arus ikelengindu temanndu manusia bagi ikelengindu badanndu.” (Markus 12:31) Situhuna, la banci sikelengi kalak adi kita pe la sikelengi banta. Nina Pustaka ka, “Perbulangen arus engkelengi ndeharana bagi ia engkelengi kulana. Kalak si engkelengi ndeharana, engkelengi dirina kap, labo pernah lit kalak elem-elem nandangi kulana. Tapi ipekena-kenana dingen ikawalina kulana e.” (Epesus 5:28, 29) Payo, perlu sikelengi dirinta.