SIKÔLÔ 5

Mbamba nlañan

1 Timothée 4:13

ÔBALEBAS: Lañe’e jam é ne ntilan afep ne sañesañ.

Kôme’e kômesan. Jeñe’e na ô yem amu jé mejô mete me nga tiliban. Yé’é na wo lañe nsamba bifia, sa ke éfia jia jia. Tabe’e ntyele ya beté bifia, tabe’e ntyele ya vuane lañ éfia éziñ, tabe’e fe ntyele ya lañe éfia éziñ, éfe ke é too ntilan. Tôñe’e fe mendeme mewo’on.

Kele’e yene mvôé jôé éziñ, sili’i nye na a vô’ôlô wo nté wo lañ, a kate wo bifia ô nji lañe mvo’é.
Tote’e bifia bise avale da yian. Nge ô nji yem avale ba tot éfia éziñ, kele’e jeñe dictionnaire, vô’ôlô’ô bôte ba lañe bekalate bangan nkol, nge ke na kele’e yene môt a yeme lañ, sili’i nye mvolan.
Kobô’ô ne sañesañ. Tote’e bifia avale da yian, same’e éngoñe jôé, kôme’e yoé anyu. Va’a ngule ya lañe ne sañesañ.

Éyoñe wo lañ, te tebe éfia ése, nlañane wôé ô za bo adite melo.