Məri an Kuthlikur Hyel nə Ri?

SU TƏ KAKAƊU NA ƁƊAKKARKARA KƏ PƏLA

“Hyel na amtazi ata sə vei kuthlikur laga na adi ata kurwa.”—Daniyel 2:44, Kakaɗu na Ɓɗakkarkara.

“Kamnyar mdə kə yaɓəla ala mburu ɓzəngkyar! Ante tsa ata sə ndzi kuthlir mburu.”—Ishaya 9:6.

LAKU TƏ ALKAWAL NA NGƏNI A DLAR NGA

• Ga nzi akira kuthlikir na ka jirkur.—Ishaya 48:17, 18.

• Ga wutə nzi lafiya ka kuchali akwa duniya na bilin.—Su Na Kəlardzi Aka Yahwana 21:3, 4.

MBURU A MZHI HAMTA JIRI AKA KAKAƊU NA ƁƊAKKARKARA YA?

E, kamyar suayeri na ngəni suɗə ni:

• Yesu kə ncaɓəla su tə Kuthlikur Hyel a mzhi harari. Yesu kə thlipa aka mjir nuni ka da hara aduwa ata kər, abər ka Kuthlikur Hyel si ka ta hara sutə Hyel akwa bara ri akwa duniya. (Mathliyu 6:9, 10) Yesu kə canta laku tə mda hamta amsa aduwa na ngəni.

  Sa ka tə Yesu akwa duniya, tsa ku ndlantə mji ka susəma, ka kəthləɓəla shilku ala mji hang, har ba kulini tsa kə thlentə mji na mtə-mta! (Mathliyu 15:29-38; Yahwana 11:38-44) Apa nzənziyir ni na mdər sakə dəkkəl Kuthlikur ar Hyel, Yesu kə nkərtə ncanta suayeri na ɓɗakɓɗaku na tə Kuthlikur Hyel ata sə harari aka mji akəmazi.—Su Na Kəlardzi Aka Yahwana 11:15.

• Nzənzi duniya ngəni mwavər ni kə ncanta abər Kuthlikur Hyel ni ata si kulin-kulini. Yesu kə pəla suayeri na ata hara akəmata Kuthlikur Hyel a səntə nzin-nzi na msəra akwa duniya, da an mpayəri, mi ata sə təri, di ata si kənggərantədzi.—Mathliyu 24:3, 7.

  Mburu kə wutə suyari ngəni shang ashina. An su na hara tə mbur kələngkər abər aɗi ya ɗanzi wa Kuthlikur Hyel a sənta tsikəra bwani.