Saam
Wahn noat fi di dairekta: Perfaam dis sang wid di inschrument dehn weh ga schring, ahn choon dehndeh inschrument tu Sheminit.* Dis da Dayvid sang.
6 Oa Jehoava, disiplin mi, bot noh wail yu beks,
Ahn karek mi, bot noh wail yu ful a anga.
2 Oa Jehoava, ga mersi pahn mi, bikaaz Ah di geh weeka ahn weeka.
Oa Jehoava, schrentn mi, bikaaz mi boanz di shayk op anaal weh Ah soh frayd.
3 Yes, Ah schres rait owt,
Ahn soh Ah di aks yu, Oa Jehoava—how lang dis wahn tek?
6 Ah geh taiyad kaaz Ah stay di krai;
Ah soak mi bed wid tyaaz* aal nait lang;
Ah flod mi soafa wid mi tyaaz kaaz Ah di krai soh moch.
7 Mi aiy dehn geh week, Ah kyaahn si klyaa nohmoh,*
Bikaaz Ah di krai soh moch sayka dehn wan weh di haras mi.
8 Aala unu wikid peepl, goh fahn rong mi,
Kaaz Jehoava wahn hyaa mi wen Ah krai.
9 Jehoava wahn hyaa wen Ah aks ahn fi mersi;
Jehoava wahn ansa mai pryaa.
10 Aala mi enimi dehn wahn feel shaym ahn fraitn;
Dehn wahn ron weh sodn-wan sayka weh dehn shaym.