Noh Ways Baibl Lichricha

Jeezas mi teech seh: “Ah neva chaaj unu . . . soh sayhn way, unu noh fi chaaj nobadi.” (Mach 10:8) Wee stik tu da koman tudeh ahn noh chaaj peepl fi wahn kapi a di Baibl er eni a wi poblikayshan dehn. (2Kor 2:17) Stilyet, dehnya poblikayshan gat een preshos chroot fahn di Baibl. Ih tek lata haad werk ahn moni fi print ahn fi ship di lichricha tu aala di kangrigayshan dehn rong di werl. Soh den, wi shuda onli tek weh wi reeli need.

Yooz gud jojment wen yu di giv owt lichricha tu ada peepl, eevn wen yu di du poblik witnisin. (Mach 7:6) Insteda jos di giv owt lichricha tu enibadi weh paas, chrai taak wid dehn lee bit fi si if dehn inchrestid. Fi help yu si if di persn inchrestid er nat, si if yu ku ansa yes tu at lees wan a di kweschan dehn eena di baks pahn dis payj. If nat, den yu ku jos gi ahn wahn chrak. Bot af koars, if ih aks fi wahn magazeen er wahn nada poblikayshan, wi wahn hapi fi gi ahn wahn kapi.—Pr 3:27, 28.