How Yu Ku Stodi di Baibl Beta

Yoo wuda waahn stay faytful laik Danyel wen yu fays wahn tes? Hihn mi tek ih taim fi stodi di Werd a Gaad, eevn di deep prafesi dehn. (Da 9:2) Deep Baibl stodi ku help yu fi stay faytful tu Jehoava. Bot how? Ih ku help yu fi bil op yu fayt dat Jehoava pramis dehn wahn kohn chroo. (Jos 23:14) Ih ku mek yu lov fi Gaad geh schranga tu, ahn dat wahn mek yu waahn du di rait ting. (Ps 97:10) How yu ku staat? Luk pahn dehnya sojeshan.

• Weh Ah ku stodi bowt? Mek shoar yu put taim wan said fi pripyaa fi di meetin dehn az paat a yu stodi skejul. Yu wahn benifit moa fahn di Baibl reedin fi di week if yu tek taim fi risaach eni point weh yu noh andastan. Lang wid dat, som disaid fi laan moa bowt Baibl prafesi, di difrent kwaliti dehn weh da fahn Gaad hoali spirit, di mishineri jerni dehn weh di apasl Paal mi gaahn pan, er eevn bowt di ting dehn weh Jehoava kriyayt. If yu tink bowt wahn kweschan joorin di day, rait it dong ahn du risaach pan it fi yu neks stodi proajek.

• Wehpaat Ah ku fain infamayshan? Wach di veedyo Sohn Risaach Tool fi Fain Spirichwal Chrezhaz fi geh sohn aidyaa. Fi tes owt yuself, risaach wich werl powa di difrent bees dehn eena Daniel chapta 7 stan fa.

• Humoch taim Ah shuda set wan said fi stodi? Fi geh schrang eena wahn spirichwal way yu haftu kip aan di stodi. If yu waahn, eena di biginin yu ku kip di stodi shaat, den laytaraan, yu ku stodi lee langa. Wen yu stodi di Baibl da laik yu di dig fi chrezhaz; di moa chrezha yu fain, di moa yu wahn kantinyu fi dig! (Pr 2:3-6) Yu wahn ga moa dizaiya fi stodi di Baibl, ahn Baibl stodi wahn bee paat a yu regyula skejul.—1Pee 2:2.

DA WAT DI BEES DEHN EENA DANIEL CHAPTA 7 STAN FA?

• 

  Da 7:4

• 

  Da 7:5

• 

  Da 7:6

• 

  Da 7:7

EKSCHRA KWESCHAN:

How Daniel 7:8, 24 mi kohn chroo?

NEKS PROAJEK:

Da wat di bees dehn eena Revilayshan chapta 13 stan fa?