Payrents, Teech Yu Chiljren Weh Dehn Need fi Noa

Wi liv eena wahn werl weh mek ih seem laik gud tingz da bad tingz, ahn bad tingz da gud tingz. (Isa 5:20) Sad fi seh, sohn peepl du tingz weh Jehoava hayt. Fi egzampl, Jehoava hayt wen too peepl a di saym seks du tingz wid eech ada weh sekshwali imoaral. Di pikni dehn da skool chrai presha wi chiljren fi du weh dehn di du. How yu ku pripyaa yu pikni fi noa weh fi du wen dehnya tes kom op?

Teech yu pikni weh dehn need fi noa bowt Jehoava standadz. (Le 18:3) Az yu pikni geh oalda, shayr infamayshan fahn di Baibl weh yu tink dehn wahn andastan bowt seks. (De 6:7) Aks yuself: ‘Ai don teech mai pikni dehn di rait way fi shoa lov tu adaz? Ai teech dehn how impoatant ih impoatant fi jres eena wahn prapa way? An Ai teech dehn dat ih impoatant fi mek adaz rispek dehn praivasi? Mai pikni noa weh fi du if sombadi chrai shoa dehn poarnografi, er if sombadi aks dehn fi du sohnting weh Jehoava seh rang?ʼ If yu pikni noa bowt sohnting lang bifoa ih hapm, den dehn ku protek dehnself. (Pr 27:12; Ec 7:12) Wen yu teech yu pikni dehn, dis shoa dat yu apreeshiayt di preshos gif weh Jehoava gi yu.—Ps 127:3.

WACH DI VEEDYO BIL WAHN HOWS WEH WAHN LAAS LANG—PROTEK YU PIKNI FAHN WEH EEVL, DEN ANSA DEHNYA KWESCHAN:

• 

  Wai sohn payrents hoal bak fahn teech dehn pikni bowt seks?

• 

  Wai payrents need fi chrayn dehn pikni “akaadn tu di gaidans weh kohn fahn Jehoava”?—Eph 6:4

• 

  Wat da som a di tingz weh Jehoava aaganaizayshan provaid fi help payrents teech dehn pikni bowt seks?—w19.05 12, baks

• Wai ih impoatant fi mek payrents aalwayz taak tu dehn pikni bifoa prablemz kom op?