Protek Yu Marij

Jehoava tek marij seeryos, ahn hihn waahn wahn hozban ahn wahn waif stay tugeda. (Ma 19:5, 6) Wahn lata marid koplz set wahn gud egzampl monks Gaad peepl. Bot no marij perfek. Sohntaim prablemz wahn kom op. Soh weneva dat hapm, unu noh fi tink laik peepl eena di werl ahn feel laik separayshan er divoas wahn fiks unu prablemz. How Kristyanz weh marid ku protek dehn marij?

Tink bowt dehnya faiv impoatant steps.

1. Protek yu haat. Stay weh fahn eni kaina entataynment weh imoaral ahn noh flert wid ada peepl bikaaz dehndeh tingz wahn mek yu marij week.—Ma 5:28; 2Pe 2:14.

2. Schrentn yu rilayshanship wid Gaad, ahn mek it yu goal fi kantinyu pleez ahn eena yu marij.—Ps 97:10.

3. Kantinyu put aan di nyoo persnaliti, ahn du kain tingz weh wahn mek yu marij paadna laif eeziya.—Kol 3:8-10, 12-14.

4. Kantinyu kamyoonikayt wid eech ada, ahn mek shoar dat weh unu seh ku benifit eech ada.—Kol 4:6.

5. Noh hoal bak fahn wan anada; tek kayr a di needz a yu marij paadna.—1Ko 7:3, 4; 10:24.

Wen Kristyanz aana marij, dehn bring aana tu Jehoava, hoo da di wan weh kriyayt marij.

WACH DI VEEDYO WI HAFU ‘RON DI RAYS AHN NOH GIV OPʼ—FALA DI ROOLZ A DI KANTES, AHN DEN ANSA DEHNYA KWESCHAN:

• 

  Eevn doa yu marij mait staat aaf gud, wat da som a di prablemz weh mait kom op?

• 

  How Baibl prinsiplz ku help marid peepl hoo feel laik dehn noh lov eech ada nohmoh?

• 

  Wat da sohn roolz Jehoava gi peepl weh marid?

• Fi mek wahn marij ga sokses, weh wahn hozban ahn wahn waif need fi du?