Yoo Schres Owt?

“Evribadi ga schres, bot Ai ga tu moch schres. Ih noh kohn fahn jos wan prablem bot fahn wahn lata tingz. Evri day Ah haftu tek kayr a mi hozban weh sik fizikali ahn mentali fi sohn yaaz now.”—Jill.a

“Mi waif mi lef mi, an Ah mi haftu rayz wi too pikni bai miself. Dat mi haad fi du bai miself. Pahn tap a dat, Ah mi looz mi jab an Ah neva ga moni fi laisn mi veekl. Ah neva noa weh fi du. Di schres da-mi jos tu moch fi bayr. Deep dong, Ah mi noa dat ih mi rang fi kil miself, soh Ah mi bayg Gaad fi mek Ah jos ded.”—Barry.