Inchrodokshan tu Sekshan 1

Di Baibl staat aaf di taak bowt kriyayshan. Ih help wi fi si di byootiful tingz weh Jehoava mek, eena hevn ahn pahn ert. If yu ga chiljren, help dehn fi bee tankful fi aala di wandaful tingz weh Gaad mek fi wi. Help dehn fi si how Gaad mi mek hyoomanz eena wahn speshal way weh beta dan animalz. Ih mek wi bee aybl fi taak, tink, invent nyoo tingz, sing, ahn pray. Help yu chiljren fi si Jehoava powa ahn wizdom. Bot moa impoatant, help dehn fi si di lov weh Jehoava ga fi di tingz weh ih mek, inkloodin eech wan a wi.