“Ga Payshens”

1. Jehoava da di chroo Gaad;

ih zelos bowt ih hoali naym.

Hihn reeli di luk faawod

tu wen ih free fahn aal di blaym.

Bot hihn stay kaam ahn payshent

an ih bayr op tu di laas.

Bikaaz ih kay bowt peepl,

ih wayt fi mek taim paas.

Soh Gaad noh sloa ner taiyad,

ih waahn mek aala wi geh sayv.

Di payshens weh ih shoa wi

wahn neva eva bee in vayn.

2. If wee laan fi shoa payshens,

ih help wi liv wahn gaadli laif.

Ih help wi kip wahn kaam haat

ahn noh geh beks er kos er fait.

Wee tek di taim fi noatis

aal di gud weh peepl du.

Ahn wen wi deel wid chraiyalz,

wi kip di prapa vyoo.

Jehoava hoali spirit

ku help wi aalwayz fi bihayv

jos laik wi Gaad da hevn

hoo payshent wid wi evri day.