SANG 122
Stan Op Schrang ahn Noh Mek Notn Moov Yu!
1. Chroblz ahn chraiyalz di geh wers ahn wers,
peepl noh noa bowt dehn fyoocha pahn ert.
Mek wi stan schrang, mek wi noh faal apaat,
serv Gaad wid aala wi haat.
(KOAROS)
Stay schrang, stan op fi weh rait,
werk haad fi Gaad ahn fi Krais.
Kip yu aiy pahn di goal:
laif eena Paradais.
2. Wee fays wahn lata temtayshan fi sin.
Dis werl ahn Saytan noh waahn mek wi win.
Bot if wi werk haad fi kip wiself kleen,
notn wahn mek wi giv een.
(KOAROS)
Stay schrang, stan op fi weh rait,
werk haad fi Gaad ahn fi Krais.
Kip yu aiy pahn di goal:
laif eena Paradais.
3. Wership Jehoava wid aala yu haat.
Aalwayz stay bizi di werk fi di Laad.
Preech di gud nyooz til wen Gaad seh ih don;
werk haad til wen di en kohn.
(KOAROS)
Stay schrang, stan op fi weh rait,
werk haad fi Gaad ahn fi Krais.
Kip yu aiy pahn di goal:
laif eena Paradais.
(Ada skripchaz: Look 21:9; 1 Peet. 4:7.)