Prayz Jehoava Gaad

1. Ah feel soh smaal, oa Jehoava,

smaal laik wahn lee pees a dert.

Bot wen yu luk deep eensaid mi,

yu luk paas di payn ahn di hert.

Yoo chrai fi si aal di gud tingz.

Yoo joj mi raichos ahn fyaa.

Noh aada gaad deh weh du dis;

noh gaad kuda eva kompyaa.

2. Eena mi haat, oa Jehoava,

lov fi yu ful op mi ches.

Yoo ful mi longz wid yu spirit.

Ah prayz yu wid evri laas bret.

Ah da yu slayv, oa Jehoava,

bot Ah feel schrang laik wahn king.

Yoo ful mi op wid yu powa,

ahn dis da di reezn Ah sing!

3. Gaad laayal lov mek mi laif sweet.

Myoozik bring pees tu mi soal.

Tink bowt wi laif wen wi perfek,

rait afta wi aal reech wi goal.

Werdz noh wahn nof fi diskraib yu.

Son, moon, ahn staarz help wi si

Aala yu wizdom ahn powa—

di lov weh yu haat feel fi wee.