HOW FI STAAT WAHN KANVASAYSHAN
LESN 6
Bee Brayv
Prinsipl: “Pray fi mi soh dat Ah ku taak bowt di gud nyooz widowt frayd.”—Ifee. 6:20.
Weh Jeezas Mi Du
1. Wach di VEEDYO, er reed Look 19:1-7. Den aks yuself dehnya kweschanz:
Wai sohn peepl neva waahn ga notn fi du wid Zakeeyos?
Weh mi moov Jeezas fi shayr di gud nyooz wid Zakeeyos?
Weh Wi Laan Fahn Jeezas?
2. Wi need fi bee brayv fi preech di gud nyooz wid evribadi.
Bee Laik Jeezas
3. Pen pahn Jehoava. Jehoava yooz ih hoali spirit fi help Jeezas preech tu peepl. Jehoava ku help yoo di saym way tu. (Mach. 10:19, 20; Look 4:18) Aks Jehoava fi gi yu di korij fi preech tu peepl hoo yu mait frayd fi taak tu.—Aks 4:29.
4. Noh joj peepl. Wi mait fain it haad fi taak tu peepl bikaaz a how dehn luk, weda dehn rich er poa, er dehn pozishan eena di kamyooniti. Er maybi ih ku bee bikaaz a weh dehn bileev eena er if dehn ga wahn ejukayshan er nat. Bot memba:
Jehoava ahn Jeezas ku reed peepl haat; wee kyaahn du dat.
Jehoava ku help enibadi noh kay hoo dehn er weh dehn yoostu du.
5. Bee brayv, shoa rispek, ahn stay pahn yu gyaad. (Mach. 10:16) Noh aagyu wid peepl. En di kanvasayshan if di persn noh waahn lisn tu yu er yu noh feel sayf.—Prov. 17:14.