“Kohn Kohn Set Op Yu Kingdom”—Wahn Pryaa Weh Lata Peepl Seh

Yoo eva pray fi mek Gaad Kingdom kohn? Oava di yaaz, milyanz a peepl pray “Thy kingdom come” oava ahn oava. Wai? Bikaaz Jeezas tel ih falowaz fi pray fi Gaad Kingdom.

Jeezas falowaz neva andastan evriting weh hihn mi seh bowt di Kingdom wen ih mi fers tel dehn bowt it. Wan taim dehn mi aks ahn: “Laad, yoo wahn free fi wee peepl now ahn soh gi bak Izrel dehn kingdom?” Dehn mi praabli sopraiz wen Jeezas neva tel dehn di egzak taim wen Gaad Kingdom wahn kohn. (Aks 1:6, 7) Dat meenz dat wi kyaahn fain owt wat da Gaad Kingdom ahn wen ih wahn kohn? Noh man!

Dis ishu a Di Wachtowa wahn help yu fi fain di ansaz tu dehnya kweschan:

Wai wi need Gaad Kingdom?
Hoo da di King a Gaad Kingdom?
Wen Gaad Kingdom wahn staat tu rool oava di ert?
Weh Gaad Kingdom wahn du?
Wai wee shuda chooz fi sopoat Gaad Kingdom now?
Wat da Gaad Kingdom?