LIV YU LAIF AZ WAHN KRISTYAN
“Oa Jehoava, . . . Ai Chros Eena Yoo”
Ih impoatant fi mek wi put wi chros eena Jehoava wen tingz di goh gud ahn wen tingz di goh bad. (Ps 25:1, 2) Bowt 700 yaaz bifoa Jeezas taim, di Jooz eena Jooda mi fays wahn sichuwayshan weh mi reeli tes dehn chros eena Gaad. Wi ku laan lata lesn fahn weh mi hapm bak den. (Roam 15:4) Afta yu wach di veedyo “Oa Jehoava, . . . Ai Chros Eena Yoo,” how yoo wuda ansa dehnya kweschan?
Wat da-mi di sichuwayshan weh Hezikaiya mi fays?
How Hezikaiya mi fala di prinsipl weh deh da Proverbs 22:3 wen ih mi-di pripyaa di siti fi wahn lak dong?
Wai Hezikaiya neva eevn kansida fi sorenda tu Asiriya er jain op wid Eejip?
Eena weh way Hezikaiya da wahn gud egzampl fi Kristyanz?
Wat da sohn sichuwayshan tudeh weh tes fi wee chros eena Jehoava?