Help Yu Famili fi Memba Jehoava

Jehoava mi sen Jerimaiya fi waan di Jooz bowt di dischrokshan weh mi wahn hapm bikaaz dehn mi faget Hihn. (Jer 13:25) Da how di nayshan mi get eena dis sad spirichwal kandishan? Di Izrelait famili dehn mi stap foakos pahn spirichwal tingz. Dis shoa dat di famili hed dehn neva mi-di fala Jehoava dairekshan da Deuteronomy 6:5-7.

Wahn famili weh schrang eena wahn spirichwal way ku help di hoal kangrigayshan stay schrang tudeh. Wen wahn famili hed stik tu wahn regyula Famili Wership proagram weh bil op di famili, ih wahn help dehn fi memba Jehoava. (Ps 22:27) Afta yu wach di veedyo “Dehnya Werdz . . . Mos Deh Pahn Yu Haat”—Famili Intavyooz, ansa dehnya kweschan:

• Wat da-mi sohn chalenj weh sohn famili mi fays fi ga dehn Famili Wership, ahn weh dehn mi du fi deel wid dehn?

• Wat da som a di blesinz weh di famili dehn mi ekspeeryens bikaaz dehn mi ga wahn regyula famili wership proagram?

• Wen ih kohn tu famili wership, wat da som a di chalenj weh Ai hav, ahn how Ai plan fi deel wid dehn?