How Wee Ku Geh fi Noa Gaad Kwalitiz Chroo di Tingz Weh Hihn Kriyayt?

Wen yu luk pahn di brait kalaz a wahn flowa, wahn skai weh ful op a staarz, er wahn byootiful waatafaal, yu noh si di lov weh Gaad shoa wee wen ih kriyayt dehnya tingz? Ih klyaa fi si Jehoava kwalitiz bai di tingz weh ih kriyayt rong wi. (Roam 1:20) Wen wi stap ahn tink bowt di tingz weh wi si wid wi oan aiy dehn, wi ku si Gaad powa, lov, wizdom, jostis, an eevn ih kainis.—Ps 104:24.

Weh da som a di tingz weh Jehoava kriyayt weh yu noatis evriday? Eevn if yu liv da wahn siti, yu mait stil si di berd er di chree dehn. Wen wi tek di taim fi stap ahn tink bowt di tingz weh Jehoava mek, wi noh wahn wori soh moch, wi wahn fays wi prablemz wid di rait atichood, ahn wi fayt eena Jehoava powa fi tek kyaa a wi fareva wahn geh schranga. (Mach 6:25-32) If yu ga pikni, help dehn fi si an andastan Jehoava perfek kwalitiz. Az wi kohn fi apreeshiayt di tingz weh Jehoava mek rong wi, wee wahn jraa kloasa tu wi Kriyayta.—Ps 8:3, 4.

WACH DI VEEDYO DI AMAYZIN TINGZ WEH JEHOAVA KRIYAYT SHOA WI FI HIHN GLOARI—LAIT AHN KALA, AN DEN ANSA DEHNYA KWESCHANZ:

• How pigments help wi fi si kalaz?

• Weh kaaz iridesens?

• Wai wi si difrent kalaz eena di skai?

• Weh byootiful kalaz yu si eena di tingz weh Jehoava kriyayt rong wi?

• Wai wi shuda tek di taim fi stap ahn tink bowt di tingz eena naycha?