Kantinyu Tink Bowt Dehnya Tingz

Wich tingz? Filipiyanz 4:8 seh dat wi fi kantinyu di tink bowt tingz weh aanis ahn chroo, eniting weh lovli, eniting weh gud fi admaiya, an eniting weh gud inof fi prayz Gaad fa. Dis noh meen dat wahn Kristyan need fi tink bowt di Baibl aal di taim. Bot wi stil need fi bee kyaaful a weh wi di tink bowt, bikaaz wi waahn ga Jehoava tinkin. Soh ih meen dat wi noh wahn tink bowt tingz weh ku mek it haada fi mek wi stay faytful tu Jehoava.—Ps 19:14.

Chroo, ih noh aalwayz eezi fi blak rang taats owta wi main. Wi noh perfek, ahn wi haftu rijek di atichood ahn bihayvya weh kohn fahn “Saytan, weh da di Gaad a dis werl.” (2Kor 4:4) Saytan chrai promoat fi hihn tinkin chroo entataynment pahn TV, di rayjo, di Intanet, buks, magazeen, ahn tingz laik dat. Soh den, wi noh sopraiz dat moas a di entataynment tudeh promoat rang tinkin. Wi haftu bee kyaaful weh wi put eena wi main, bikaaz ih ku afek how wi tink, ahn di way wi tink wahn afek di way wi ak.—Jay 1:14, 15.

WACH DI VEEDYO KIP WEH FAHN WEH KU BROK DONG YU LAAYALTI—ENTATAYNMENT WEH NOH PRAPA AHN DEN DISKOS DEHNYA KWESCHANZ:

• 

  Weh di brada mi-di wach pan ih foan, ahn how ih mi afek ahn?

• 

  Da how Galayshanz 6:7, 8 ahn Psalm 119:37 mi help ahn?