Weh Wee Ku Laan Fahn di Orijinal Sangz?

Wat da som a fi yoo fayvrit orijinal sangz ahn wai? Yu fain dat weh deh eena di myoozik veedyo dehn da tingz weh yu ku rilayt tu eena yu evriday laif? Wid soh moch difrent stail a myoozik, sohnting deh fi evribadi. Stilyet, di orijinal sangz da moa dan jos entataynment, dehn ga wahn lesn bihain eech wan a dehn.

Eech wan a di orijinal sang teech wi sohn gud lesn weh wi ku yooz eena wi Kristyan laif ahn minischri. Som a di sang foakos pahn haspitaliti, yooniti, chroo frenship, korij, lov ahn fayt. Wail adaz teech wi how fi ritern tu Jehoava, fagiv wan anada, bee laayal eena wi evriday laif, ahn fi reech spirichwal goalz. Dehn eevn ga wahn orijinal sang bowt how fi bee balans wen wi di yooz wi sel foan. Wat da sohn ada praktikal lesn yu mi fain wen yu mi lisn tu di orijinal sangz?

WACH DI ORIJINAL SANG VEEDYOO RAIT RONG DI KAANA, AHN DEN ANSA DEHNYA KWESHANZ:

• Wat da som a di fyoocha blesinz di oalda kopl di tink bowt?—Ge 12:3

• How wi ku schrentn wi fayt dat Jehoava ku mek aala fi hihn pramis dehn kohn chroo?

• Weh blesinz peepl wahn ku injai lang wid dehn fren ahn famili soon?

• How wi hoap eena di Kingdom help wi fi bayr op anda chraiyalz?—Roam 8:25