LIV YU LAIF AZ WAHN KRISTYAN

Bee Hombl Wen Adaz Prayz Yu

Fahn taim tu taim, peepl mait komen er prayz wi. Dis reeli inkorij wi, espeshali if dehn meen weh dehn seh an if da fi di rait reezn. (Pr 15:23; 31:10, 28) Bot if peepl komen wi er prayz wi, wi haftu bee kyaaful dat weh dehn seh noh swel wi hed, bikaaz wi ku staat tu feel laik wi beta dan adaz.

WACH DI VEEDYO BEE LAAYAL, JOS LAIK JEEZAS—WEN DEHN MI PRAYZ AHN, AN DEN ANSA DEHNYA KWESCHAN:

Wat da sohn reezn wai peepl mait prayz wi?
How di bradaz mi prayz Sergei?
Eevn doa di bradaz mi ga gud tingz fi seh bowt Sergei, how di prayz weh dehn mi giv ahn gaahn tu faar?
Wat da sohn lesn wi ku laan fahn Sergei wen hihn mi rispan eena wahn hombl way?

Wahn klip fahn di veedyo ‘Bee Laayal, Jos Laik Jeezas—Wen Dehn Mi Prayz Ahn,ʼ weh shoa dat Sergei deh da wahn get-tugeda da wahn brada hows, an ih di rispan eena wahn hombl way wen prayz fahn di bradaz gaahn tu faar.