LIV YU LAIF AZ WAHN KRISTYAN
Bee Kyaaful Noh fi Spred Lai
Tudeh, infamayshan ku spred faas an eena aal kaina way—chroo haad kapi, rayjo, TV, ahn di Intanet. Kristyanz weh wership di chroo Gaad noh waahn spred faals infamayshan, eevn bai mistayk. (Ps 31:5; Ex 23:1) Peepl weh paas aan faals infamayshan ku hert sombadi. Wen yu di chrai figa owt weda sohnting chroo er nat, aks yuself:
‘Dis stoari kohn fahn sohnbadi weh Ah ku chros?ʼ Di persn weh di tel mi di stoari mait noh noa di hoal stoari. Soona er layta, di stoari wahn chaynj afta ih paas fahn wan persn tu di neks, soh wi haftu bee kyaaful wen wi noh noa hoo di stoari kohn fram eena di fers plays. Sins wi ku chros di infamayshan weh kohn fahn di wan dehn weh di tek di leed eena di kangrigayshan, dehn need fi mek shoar dat di infamayshan karek bifoa dehn paas it aan tu adaz
‘Dis infamayshan da sohnting weh ku dischrai wahn nada persn repyutayshan?ʼ If dis infamayshan ku kaaz wahn persn er wahn groop fi ga wahn bad repyutayshan, wi shudn spred it.—Pr 18:8; Fil 4:8
‘Dis stoari mek sens?ʼ Bee kyaaful wen yu di lisn tu wahn stoari er ekspeeryens weh song eksaitin ahn tu gud fi bee chroo
WACH DI VEEDYO HOW AH KU PUT WAHN STAP TU GASIP? AHN DEN ANSA DEHNYA KWESCHAN:
Akaadn tu Proverbs 12:18, wai werdz ku bee daynjaros?
How Filipiyanz 2:4 help wi fi mek wahn waiz disizhan bowt weh wi seh bowt ada peepl?
Weh wi shuda du wen peepl di seh tingz fi mek fon a adaz er seh negitiv tingz bowt dehn?
Bifoa wi staat taak bowt ada peepl, weh kweschanz wi shuda aks wiself?