Wehpaat yoo deh pahn di road tu baptizm?
LIV YU LAIF AZ WAHN KRISTYAN
Chooz fi Serv Jehoava
If yoo da wahn yong persn weh di serv Jehoava weh noh baptaiz yet er wahn Baibl styoodent, yoo ga di goal fi geh baptaiz? Wai yoo shuda waahn geh baptaiz? Dedikayshan ahn baptizm da di biginin a wahn speshal rilayshanship wid Jehoava. (Ps 91:1) Wen yu dedikayt yu laif tu Jehoava ahn geh baptaiz dis ku help yu geh evalastin laif. (1Pe 3:21) How yu ku reech di goal a dedikayshan ahn baptizm?
Proov tu yuself dat dis da di chroot. Du yu persnal risaach fi ansa eni kweschan weh yu mait gat. (Ro 12:2) Egzamin yuself fi si if yu need fi mek eni chaynjiz, ahn mek dehndeh chaynjiz bikaaz yu waahn pleez Jehoava. (Pr 27:11; If 4:23, 24) Aalwayz pray tu Jehoava fi help yu. Yu ku bee shoar dat Jehoava wahn schrentn ahn sopoat yu wid ih powaful hoali spirit. (1Pe 5:10, 11) Di efoat weh yu mek wert it. Wen yu serv Jehoava yu wahn injai di bes laif eva!—Ps 16:11.
WACH DI VEEDYO DI ROAD TU BAPTIZM, AHN DEN ANSA DEHNYA KWESCHAN:
Wat da sohn chalenj wi bradaz ahn sistaz mi haftu deel wid bifoa dehn geh baptaiz?
How yu ku divelop di fayt weh yu need fi dedikayt yu laif tu Jehoava?
Weh mi inkorij wi bradaz ahn sistaz fi du weh dehn mi need fi du soh dat dehn kuda mi geh baptaiz?
How Jehoava bles dehn wan weh chooz fi serv hihn?
Weh dedikayshan ahn baptizm meen?