WERK HAAD FI DU BETA EENA DI MINISCHRI | HOW FI GA MOA JAI EENA DI MINISCHRI
Put Laif Intu Yu Teechin
Wen wi put laif intu wi teechin, ih mek adaz waahn du di sayhn ting. Ih ku help wi geh di atenshan a di persn weh di lisn tu wi. Ih aalso shoa dat wi apreeshiayt di mesij weh wi di preech. Noh mata weh kaina persnaliti wi gat, er wehpaat wi kohn fram, wi ku stil put laif intu wi teechin. (Ro 12:11) How?
Fers, tink bowt how impoatant dis mesij impoatant. Yoo ga di privilij fi “preech gud nyooz bowt gud tingz!” (Ro 10:15) Sekant, meditayt pahn humoch di gud nyooz ku benifit di persn weh di lisn tu wi. Dehn reeli need fi hyaa dis gud nyooz. (Ro 10:13, 14) Fainali, put laif intu yu teechin, yooz nachral jeschaz, ahn ga wahn waam ahn kain luk pahn yu fays.
WACH DI VEEDYO FEEL DI JAI WI FEEL WEN WI MEK DISAIPLZ—DU BETA EENA DI MINISCHRI—PUT LAIF INTU YU TEECHIN, AHN DEN ANSA DEHNYA KWESCHAN:
Wai Neeta neva eksaitid fi stodi wid Jade nohmoh?
Weh mi help Neeta fi bee eksaitid agen fi stodi wid Jade?
Wen wi put laif intu wi teechin, ih mek adaz waahn du di saym
Wai wi need fi foakos pahn di gud kwalitiz weh di peepl weh di lisn tu wi gat?
How wi Baibl styoodent dehn benifit wen wi put laif intu wi teechin?