Yooz di Injai Laif Fareva! Poblikayshan Eena Yu Minischri

Wi soh eksaitid fi ga wahn nyoo broashoar ahn buk fi kandok Baibl stodiz! Wi pray dat Jehoava bles evriting weh wi du fi mek nyoo disaiplz. (Ma 28:18-20; 1Ko 3:6-9) How wi ku yooz dehndeh nyoo toolz?

Sins di Injai Laif Fareva! buk help wi fi teech eena wahn nyoo way, fala dehnya sojeshanz az yu pripyaa ahn kandok Baibl stodiz.a

• Reed weh deh eena di lesn, ahn diskos di kweschan dehn

• Reed di skripchaz weh seh, “reed”, ahn help di styoodent fi si how ih ku yooz weh ih laan eena ih laif

• Play di veedyo dehn ahn yooz di kweschanz eena yu diskoshan

• Chrai fi kompleet wahn lesn evri taim yu stodi wid yu Baibl styoodent

Wen yu deh eena di minischri, aafa di broashoar fers fi si if di persn inchrestid. (Si di baks “How fi Aafa di Injai Laif Fareva! Broashoar Pahn di Fers Kaal.”) If yu finish stodi di broashoar wid di styoodent an ih waahn kantinyu stodi, aafa ahn di buk ahn staat wid lesn 04. If yu don di stodi wid sohnbadi ahn yu di yooz di Baibl Teech buk er di Stay Eena di Lov a Gaad buk, yu ku staat tu stodi di Injai Laif Fareva! buk wid ahn insted. Yoo az di teecha ku disaid eena weh lesn yu wahn staat stodi wid di styoodent.

WACH DI VEEDYO WEH NAYM WELKOM TU YU BAIBL STODI, AHN DEN ANSA DEHNYA KWESCHAN:

• Weh wi Baibl styoodent dehn wahn laan fahn di nyoo buk?

• Wai yu shuda shoa dis veedyo tu styoodents weh jos staat stodi?

• Weh goalz yu ku help yu styoodent fi werk pan?—Si di baks “Mayn Foakos ahn Goalz fi Eech Sekshan a di Buk.”