WERK HAAD FI DU BETA EENA DI MINISCHRI | HOW FI GA MOA JAI EENA DI MINISCHRI
Yooz Wi Toolz fi Du Risaach
Jehoava gi wi toolz fi help wi du beta eena di minischri. Ih gi wi di difrent veedyo, chrak, magazeen, broashoar, ahn buk. Bot wi mayn tool da di Baibl. (2Ti 3:16) Hihn aalso gi wi toolz fi du risaach weh ku help wi fi eksplayn di Skripchaz beta. Dehnya toolz da di Watchtower Library, di JW Library® ap, di Wachtowa ONLAIN LAIBRI, ahn di Risaach Gaid fi Jehoava Witnisiz.
Yu wahn bee reeli hapi wen yu yooz aala di toolz weh avaylabl fi du deep risaach eena di Baibl. Mek shoar fi chrayn yu styoodent dehn fi yooz dehndeh toolz. Den dehn wahn bee hapi fi fain ansaz tu dehn Baibl kweschanz.
WACH DI VEEDYO WEH NAYM FEEL DI JAI WI FEEL WEN WI MEK DISAIPLZ—AKSEP HELP FAHN JEHOAVA—TOOLZ FI DU RISAACH, AHN DEN ANSA DEHNYA KWESCHAN:
Weh kweschan bowt kriyayshan Jade mi bring op?
Wehpaat Neeta mi fain infamayshan bowt da tapik?
Wen wi fain ahn shayr difrent chrezhaz fahn di Baibl, ih bring wi jai
How Neeta mi disaid weh infamayshan mi wahn help Jade?
How di risaach toolz mi help Neeta?