Help Yu Baibl Styoodents fi Geh Rid a Bad Habits

Onli peepl weh liv wahn kleen laif ku ga wahn kloas rilayshanship wid Jehoava. (1Pe 1:14-16) Az yu Baibl styoodent dehn geh rid a bad habits, dehn ku staat tu si benifits eena dehn famili, dehn helt, ahn dehn ku ga les moni prablemz.

Tek di taim fi eksplayn klyaa-wan tu yu Baibl styoodent bowt Jehoava moaral standadz, wai dehndeh standadz egzis, ahn how wi benifit wen wi fala dehn. Help yu styoodent dehn fi chaynj di way how dehn tink, ahn den dehn wahn ku du weh Jehoava waahn dehn du. (Ifee 4:22-24) Mek dehn noa dat wid Jehoava help, fi shoar dehn kud stap dehn bad habit eevn if dehn di du it fi wahn lang taim. (Fil 4:13) Teech dehn fi bayg Jehoava fi help dehn weneva dehn feel temtid fi sin. Help dehn fi rekonaiz ahn stay weh fahn eni sichuwayshan weh wahn mek dehn du weh bad. Inkorij dehn fi du gud tingz weh wahn help dehn insteda du bad tingz weh wahn damij dehn. Yu wahn bee hapi wen yu si yu Baibl styoodent dehn mek chaynjiz eena dehn laif wid Jehoava help.

WACH DI VEEDYO WEH NAYM HELP YU BAIBL STYOODENTS FI GEH RID A BAD HABITS, AHN DEN ANSA DEHNYA KWESCHAN:

• 

  Weh di eldaz ahn Neeta mi du fi shoa dat dehn mi chros eena Jade?

• 

  Wat els Neeta mi du fi help Jade?

• 

  Weh Jade mi du fi geh help fahn Jehoava?