Fain Wizdom Pahn JW.ORG Weh Ku Help Yu Deel Wid Chalenjiz Yu Fays Evri Day

Gaad Werd gi wi evriting weh wi need fi deel wid chraiyalz weh wi fays eena dehnya laas dayz. (2Ti 3:1, 16, 17) Bot sohntaim, prablemz mait kom op ahn wi mait need help fi fain Baibl prinsiplz weh ku help wi deel wid wahn spesifik sichuwayshan. Fi egzampl, yoo da wahn payrent weh di luk fi advais pahn how fi rayz chiljren? Yoo da wahn teenayja weh di deel wid chalenjiz weh tes yu fayt? Yoo feel sad bikaaz yu marij mayt ded? Yu ku fain infamayshan pahn jw.org weh ga spesifik Baibl prinsiplz weh ku help yu eena dehndeh an eni ada sichuwayshan.—Pr 2:3-6.

Pahn di jw.org hoam payj, klik pahn BAIBL TEECHINZ. (Si picha 1.) Anda BAIBL TEECHINZ, yu ku klik pahn di tapik weh yu inchrestid eena. Er goh da LAIBRI > AALA WI AATIKL DEHN LIS AAF BAI TAPIK ahn yu ku klik pahn di tapik weh yu inchrestid eena. (Si picha 2.) Yu ku fain dehndeh saym tapik eena JW Library^®.a Yu mait injai di luk chroo dehnya aatikl pahn di websait er eena di ap. Wahn nada opshan da fi yooz di saach baks pahn jw.org fi fain wahn spesifik tapik.

Taip dehnya tapik eena di saach baks, ahn rait dong eni aatikl weh yu wuda waahn reed.

• How fi rayz pikni

• Negitiv tinkin

• Det a wahn marij mayt